Siirdčõõttâmiʹlmmtõs da tuärjjõõzzi ooccâm
Iʹlmmet siirdčõõttmest
Iʹlmmet Kelaaʹje, jõs
- leäk siirdčõõttâm Lääʹddjânnma da ooʒʒak Kelast tuärjjõõzz
- siirdčõõđak kõskkpoddsânji leʹbe põõššjen ålggjânnmid da vuäǯǯak Kelast tuärjjõõzz
- määccak Lääʹddjânnma ålggjânnmest jälstummuž mâŋŋa da leäk ääiʹjben vuäǯǯam Kelast tuärjjõõzz.
Muuʹšt iʹlmmted siirdčõõttmest Digi- da narodteâttkonttra še (dvv.fi, lääddas).
Ko siirdčõõđak Lääʹddjânnma, iʹlmmet siirdčõõttmest še vuâlggjânnmad veʹrǧǧniiʹǩǩid.
Ooʒʒ Kela tuärjjõõzzid
Iʹlmmet siirdčõõttmest da ooʒʒ Kela tuärjjõõzzid neettest.
Tääʹrǩest ooccmõõžžâst, mõõk meâlddõõzz tõʹst âʹlǧǧe leeʹd. Meâlddõõzzid vuäitt vuõltteed še neeʹttest.
Vuäitak ooccâd tuärjjõõzzid še lomaakkin, koon vuäǯǯak Kela konttrin leʹbe neʹttseeidain.
Kela pååʹštaddrõs lij
Kela
PL 10
00056 KELA.
Vuäitak håiddad miâlggâd puk Kela-aaʹššääd teʹlfoonâst še. Kela kääzzkâstt lääʹddǩiõʹlle, ruõccǩiõʹlle da eŋgglõsǩiõʹlle.
Vuäǯǯak Kelast tuʹmmstõõǥǥ
Jõs vuäǯǯak leʹbe leäk ooccâm Kelast tuärjjõõzz, vuäǯǯak päikksad tuʹmmstõõǥǥ. Tuʹmmstõõǥǥâst iʹlmmtet tuärjjõõzz meäʹr, vuâđ da mäʹhssempeeiʹv. Vuäǯǯak tuʹmmstõõǥǥ teʹl še, jõs tuʹnne ij leäkku miõttum tuärjjõs.
Jõs tuʹst ij leäkku teänab vuõiggâdvuõtt Kela tuärjjõõzzid, jiõk vueiʹt ââʹnned euroopplaž puõccihåiddkoort.
Lââʹssteâđ
Kela meeraikõskksaž aaʹšši kõõskõs (lääddas) oudd teâđ Lääʹddjânnma leʹbe ålggjânnmid siirdčõõttmest.
Teâđ tiõrvâsvuõttkääzzkõõzzi ââʹnnem pirr Lääʹddjânnmest da ålggjânnmin vuäǯǯak neeʹttest (eu-terveydenhoito.fi, lääddas) da neʹttpååʹštin yhteyspiste@kela.fi.
Teâđ Kela tuärjjõõzzi pirr jeeʹres ǩiõlivuiʹm vuäǯǯak neeʹttest (infofinland.fi, lääddas).
Looǥǥ lââʹzz