Kela aalgât uđđâsist tavesämikielâlii puhelin- já káiduspalvâlus
Kela aalgât 13.2. uđđâsist tavesämikielâlii puhelin- já káiduspalvâlus. Palvâlus lii puátteevuođâst ávus jyehi argâpeeivi iđedispeeivij. Palvâlusân puáhtá meid kyeđđiđ ohtâvuotâväldimtáttum.
Kela tavesämikielâlâš puhelin- já káiduspalvâlus lekkâs uđđâsist masa ive puudâ maŋa vuossaargâ 13.2.2023. Palvâlus lii ávus argâpeeivij tme 9-11. Tavesämikielâlii puhelinpalvâlus nummeer lii 020 634 2894.
Tavesämikielâlii káiduspalvâlus ohtâvuotâväldimliŋkkâ lii sämikielâlijn kela.fi-siijđoin. Káiduspalvâlusâst äššigâs finnee káidusohtâvuođâ Kela äššigâspalvâleijei jo-uv tiättur tâi moobiilpiergâs peht torvolávt ja älkkeht jieijâs pääihist. Káidusohtâvuođâ finnee älkkeht meid Laapi Virtu-soojijn.
Kela lii faallâm tavesämikielâlii puhelin- já káiduspalvâlus meid ovdil. Palvâlus lopâttii koskâpuddâsávt njuhčâmáánust 2022, ko Kelast ij lamaš talle ollágin tavesämikielâlâš palvâlusäššitobdee. Tääl Kelast láá kyehti tavesämikielâlii palvâlusäššitobdee.
Nuorttâlâškielâlâš palvâlus juátká ovdii vyevi mield
Kela fáálá puhelin- ja káiduspalvâlus meid nuorttâlâškielân. Meid nuorttâlâškielâlâš palvâlus lii ávus jyehi argâpeeivi tme 9-11. Nuorttâlâškielâlâš puhelinpalvâlus nummeer lii 020 634 4795. Nuorttâlâškielâlii káiduspalvâlus njuolgâ liŋkkâ lii sämikielâlijn kela.fi-siijđoin.
Kela algâttij nuorttâlâškielâlii palvâlus ive tassaaš. Kelast lii tääl ohtâ nuorttâlâškielâlâš palvâlusäššitobdee.
Sämikielâlii palvâlusân puáhtá kyeđđiđ ohtâvuotâväldimtáttum
Äššigâs puáhtá meid kyeđđiđ sämikielâlii palvâlusân ohtâvuotâväldimtáttum, kuás Kela sämikielâlâš palvâlusäššitobdee lii ohtâvuođâst äššigâsân. Ohtâvuotâväldimtáttum puáhtá vuolgâttiđ suomâkielân tâi sämikielân šleđgâpostâčujottâsân saame@kela.fi. Muštâl saavâst jieijâd noomâ já puhelinnummeer sehe tom, moos äšši kuáská já mon kielân tun tarbâšah palvâlus.
Anarâškielâlii palvâlus finnee táárbu mield tuulhâ peht. Jis tun tarbâšah palvâlus anarâškielân, te vääldi ohtâvuođâ Kelan. Kela ornim tulkkâ váldá tunjin ohtâvuođâ vâi puáhtá sooppâđ ášástâllâmääigi tuin.
Kela sämikielâliih palvâlusah palvâleh väldikodálávt aassâmsaajeest peerusthánnáá. Kela sämikielâlijn nettisiijđoin muštâleh tärhibeht Kela faallâm sämikielâlijn palvâlusâin já Kela hiäđuin sierâ eellimtiilijn.
Sämmilii äššigâsâst lii säämi kielâlaahân vuáđuduvvee vuoigâdvuotâ hoittáđ jieijâs Kela-aašijd jieijâs kielân.
Luuvâ lase