Aassâmtoorjâ já aassâmlase
Kela tuárju uáppei aassâm mäksimáin almos aassâmtorjuu tâi uápputorjuu aassâmlase.
Almos aassâmtoorjâ
Suomâst ässee uáppee puáhtá finniđ almos aassâmtorjuu. Almos aassâmtoorjâ ij uccuu uápputoorjâucâmuššáin, peic tađe várás lii jieijâs ucâmuš. Siämmáá purrâmušjuávkun kulleeh oceh aassâmtorjuu oovtâst.
Mii lii purrâmušjuávkku?
Purrâmušjuávkku uáivild siämmáá visteest fastâ ässee ulmuid. Táválávt purrâmušjuávkku lii näimipaarâ, ávuspaarâ tâi peerâ. Meid ohtâ olmooš puáhtá leđe purrâmušjuávkku.
Purrâmušjuávkun kullee ulmui puáđuh vaigutteh aassâmtorjuu miärán. Puáđuh vaigutteh sierânáál ko uápputorjust.
Uápputorjuu aassâmlase
Uápputorjuu aassâmlase pyehtih finniđ olgoenâmijn tâi Ålandist uáppeeh. Sii aassâmlase lii 210 eurod mánuppaajeest.
Aassâmlase pyehtih finniđ meid Suomâst aalmugopâttuvâst tâi valastâllâmopâttuvâst uáppeeh, kiäi uápuh láá mávsuliih já kiäh ääsih oppâlájádâs asâttuvâst. Aassâmlase lii suullân 89 eurod mánuppaajeest.
Tun puávtáh finniđ aassâmlase já eres uápputorjuu tuše uáppumánuppoojijn.
Aassâmlase finniimist ij lah aherääji. Vaanhimij puáđuh iä vaaigut aassâmlasan.