Miärádâsah já äššikirjeh
Tun puávtáh luuhâđ miärádâsâidâd OmaKelast. Tunjin vuolgâttum miärádâsah já reeivah láá OmaKela Päätökset ja muut asiakirjat -sijđoost. Tun finniih miärádâs meid pááikán poostâ peht, jis jieh lah luoppâm pävirpoostâst.
Puoh tunjin vuolgâttum äššikiirjijd puáhtá luuhâđ OmaKelast 6 ive ääigi. Jis tun tarbâšah tađe ovdil tohhum miärádâs, tun puávtáh pivdeđ, ete mij vuolgâttep tom tunjin poostâ peht pááikán. Vuolgât viestâ OmaKelast teikâ suáiti puhelinpalvâlusân.
Sämikielâliih miärádâsjurgâlusah
Miärádâsah já reeivah uáinojeh tuáistáážân tuš OmaKelast ađai toh iä tuáistáážân oinuu sämikielâlii MuuKelast. Lasseen sämikielâliih äššigâsah finnejeh sämikielâlijd miärádâsjurgâlusâid ain reivân pááikán, veikâ liččii-uv luoppâm pävirpoostâst.
Tooimâ návt, ko halijdah luoppâđ pävirpoostâst
Tun puávtáh luoppâđ pävirpoostâst almootmáin tast OmaKelast. Ko tun luovah pävirpoostâst, tun finniih miärádâsâid, reeivâid já eres äššikiirjijd tuš OmaKelan.
- Čáládât OmaKelan.
- Moonâ siijđon Päivitä omia tietojasi.
- Moonâ sajan Luovu paperipostista já västid Kyllä koččâmušân Haluatko luopua paperipostista.
- Almoot puhelinnumerâd já šleđgâpostâčujottâsâd siämmáá siijđost. Adde Kelan meid love vuolgâttiđ tunjin viestâid OmaKelan.
Ko tun lah luoppâm pävirpoostâst, tun finniih tiäđu uđđâ puáttám äššikirjeest
- šleđgâpostáin já Suomi.fi-heiviittâsân Suomi.fi-viestâi peht, jis tun lah váldám Suomi.fi-viestâid kiävtun.
- šleđgâpostáin tâi tekstâviestáin Kelast, jis tun jieh lah váldám Suomi.fi-viestâid kiävtun.
Jis tun jieh lah luoppâm pävirpoostâst MuuKelast, tun finniih miärádâsâid já äššikiirjijd pááikán poostâ peht, veikâ liččih váldám Suomi.fi-viestâid kiävtun.
- peerâiäláttâh
- iäláttuv pärnialadâs
- iäláttâhtoorjâ
- rävisolmoošškovlimtorjuu lovnâtáhádâs
- vádulijtorjuuh.
Mij vuolgâttep poostâ peht meid motomijd inforeeivâid já áigápuátutorjuu máksučonnâsmijd.
Vääldi Suomi.fi-viestâid kiävtun siämmást, ko tubdâttâđah OmaKelan
Ko tun čáládâđah MuuKelan, tun finniih iävtuttâs väldiđ Suomi.fi-viestâid (Suomi.fi-viestit, suomi.fi, suomâkielân)
kiävtun, jis toh iä vala lah tust kiävtust. Tun puávtáh väldiđ Suomi.fi-viestâid kiävtun älkkeht čáládâttâm ooleest, ko adelah jieijâd šleđgâpostâčujottâs já nonniih tom. Iävtuttâs puátá jyehi čáládâttâmtovveest, jis tun jieh lah váldám Suomi.fi-viestâid kiävtun.
Uáppáásm Digi- já aalmugtiätuvirgáduv (DAV) ravvuid:
- raavâvideo Näin otat käyttöön Suomi.fi-viestit tunnistautumisen yhteydessä (Návt tun vááldáh kiävtun Suomi.fi-viestâid tubdâttâttâm ooleest)
- koveh Suomi.fi-tubdâttâtmist (suomâkielân).
Suomi.fi-viestah lii Digi- já aalmugtiätuvirgáduv palvâlus, mast tun puávtáh luuhâđ virgeomâhái vuolgâttem viestâid šleđgâhäämist. Viestâid puáhtá luuhâđ jo-uv Suomi.fi-moobiilheiviittâsâst tâi čujottâsâst suomi.fi/viestit (suomâkielân).
Ko tun vááldáh Suomi.fi-viestâid kiävtun, tun finniih enâmus uási virgeomâhái vuolgâttem reeivâin šleđgâlávt pävirpoostâ sajan. Jis tun halijdah vuástáväldiđ meid Kela miärádâsâid já reeivâid tuš šleđgâlávt, te luovâ lasseen pävirpoostâst OmaKelast.
Almottâsah puáttám viestâin puátih šleđgâpostâčujottâsân, mon tun lah almottâm Suomi.fi-palvâlusân. Suomi.fi-heiviittâs kevtteeh finnejeh almottâs meid heiviittâs peht. Jis tun jieh keevti Suomi.fi-viestâid, tun finniih almottâs uđđâ Kela-reeivâin šleđgâpostâčujottâsân, mon tun lah adelâm OmaKelast.