Mearrádusat ja áššebáhpárat
Sáhtát lohkat iežat mearrádusaid OmaKelas. Dutnje sáddejuvvon mearrádusat ja reivvet leat OmaKela Päätökset ja muut asiakirjat -siiddus (Mearrádusat ja eará áššebáhpárat). Oaččut mearrádusa maiddái ruoktot poastta fárus, jos it leat luohpan báberpoasttas.
Buot dutnje sáddejuvvon áššebáhpárat leat lohkanláhkai OmaKelas 6 jagi áigge. Jos dárbbašat ovdal dahkkon mearrádusa, sáhtát bivdit min sáddet dan dutnje poastta fárus ruoktot. Sádde dieđu OmaKelas dahje riŋge telefonbálvalussii.
Sámegielat mearrádusjorgalusat
Mearrádusat ja reivvet oidnojit doaisttážii dušše OmaKelas, nappo dat eai doaisttážii oidno sámegielat MuKelas. Lassin sámegielat áššehasat ožžot sámegielat mearrádusjorgalusaid dás ovddasge reiven ruoktot, vaikke livččiige luohpan báberpoasttas.
Daga ná, go hálidat luohpat báberpoasttas
Sáhtát luohpat báberpoasttas almmuhemiin das OmaKelas. Go luobat báberpoasttas, oaččut mearrádusaid, reivviid ja eará áššebáhpáriid dušše OmaKelai.
Čálit sisa OmaKelai
Sirdás siidui Päivitä omia tietojasi (Beaivit iežat dieđuid).
Mana báikái Luovu paperipostista (Luoba bábirpoasttas) ja vástit Kyllä (Juo) gažaldahkii Haluatko luopua paperipostista (Hálidatgo luohpat bábirpoasttas)?
Almmut iežat telefonnummira ja šleađgapoastačujuhusa seamma siiddus. Atte maiddái Kelai lobi sáddet dutnje dieđuid OmaKelai.
Go leat luohpan báberpoasttas, oaččut dieđu ođđa boahtán áššebáhpáris
- šleađgapoasttain ja Suomi.fi applikašuvnna Suomi.fi-dieđuid bokte, jos leat váldán Suomi.fi-dieđuid atnui
- šleađgapoasttain dahje teakstadiehtun, jos leat váldán Suomi.fi-dieđuid atnui.
Jos it leat luohpan báberpoasttas OmaKelas, oaččut mearrádusaid ja áššebáhpáriid ruoktot poastta bokte, vaikke livččen váldán Suomi.fi-dieđuid atnui.
- bearášealáhat
- ealáhaga mánnábajádus
- ealáhatdoarjja
- rávesolbmuidskuvlendoarjaga loatnadáhkádus
- doaibmaváttogiiddoarjagat.
Lassin sáddet poastta fárus maiddái muhtun inforeivviid ja áigáiboahtodoarjaga máksočatnasumiid.
Váldde Suomi.fi-dieđui atnui seammás go čálihat sisa OmaKelas
Go čálihat iežat sisa OmaKelai, oaččut evttohusa váldit Suomi.fi-dieđuid (Suomi.fi-viestit, suomi.fi, suomagillii) atnui, jus dat eai vel leat dus geavahusas. Sáhtát váldit Suomi.fi-dieđuid atnui álkit sisa čáliheami oktavuođas addimiin du šleađgapoastačujuhusa ja nannemiin dan. Evttohus boahtá juohke sisačálihanháve jus it leat váldán Suomi.fi-dieđuid atnui.
Oahpásnuva Digi- ja álbmotdiehtodoaimmahaga (DVV) rávvagiidda:
- rávavideo Näin otat käyttöön Suomi.fi-viestit tunnistautumisen yhteydessä (Ná válddát Suomi.fi-dieđuid atnui sisačáliheami oktavuođas)
- govat Suomi.fi-sisačáliheamis (suomagillii).
Suomi.fi-dieđut lea Digi- ja álbmotdiehtodoaimmahaga bálvalus, gos sáhtát lohkat virgeoapmahaččaid sádden dieđuid elektrovnnalaš hámis. Dieđuid sáhtát lohkat juogo Suomi.fi-mobilaapplikašuvnnas dahje čujuhusas suomi.fi/viestit (suomagillii).
Go válddát Suomi.fi-dieđuid atnui, oaččut eanas oasi virgeoapmahaččaid sádden reivviin elektrovnnalaččat báberpoastta sajis. Jus hálidat maid oažžut Kela mearrádusaid ja reivviid dušše elektrovnnalaččat, galggat lassin luohpat báberpoasttas OmaKelas.
Almmuhusat ođđa dieđuin bohtet šleađgapoastačujuhussii, man leat almmuhan bálvalussii. Suomi.fi-applikašuvnna geavaheaddjit ožžot maiddái almmuhusa applikašuvnna bokte. Jos it geavat Suomi.fi-dieđuid, oaččut almmuhusa ođđa Kela reivviin OmaKelas šleađgapoastačujuhussii, man leat addán.