Jååʹđtemsueʹrj tuâjjčuõǯǯtõs vuäitt miâlǥeed ouddõsǩiõttʼtõõllmõõžž – Kela siâzztââll neʹttäʹššummuž
Kela ǩiõttʼtõõllâmnalla pååʹštʼtum ooccmõõžž da meâlddõõzz vuäiʹtte mâŋŋned jååʹđtemsueʹrj tuâjjčuõǯǯtõõzz diõtt. Kela siâzztââll äʹššniiʹǩǩid vuõltteed ooccmõõžžid da meâlddõõzzid OmaKela-neʹttkääzzkõõzzâst. Jos meâlddõs leʹbe lââʹssčiõlǥtõs mâŋŋan tuâjjčuõǯǯtõõzz diõtt, Kela pârgg võõnnâd uvddum mieʹrrääiʹjest.
Autt- da Jååʹđtemsueʹrj Tuâjjlažlett AKT lij iʹlmmtam tuâjjčuõǯǯtõõzzâst, koonn jäʹrjstet 15.–21.2.2023. Pååʹštsueʹrj tuâjjlažlett PAU tuärjjad tuâjjčuõǯǯtõõzz 16.2. ääʹljeeʹl. Tuâjjčuõǯǯtõõzz vuäiʹtte miâlǥeed pååʹšt jååttmõõžž.
Pååʹšt aʹrvval, što tuâjjčuõǯǯtõõzz diõtt jeeʹrab mieʹldd ǩeeʹrj vuäiʹtte mâŋŋned määŋgaid peeiʹvid leʹbe joba pâʹjjel neäʹttel. Kela äʹššniiʹǩǩid tät miârkkšââvv tõn, što tuʹmmstõõǥǥ vuäiʹtte mâŋŋned, jos äʹššneǩ vuõlttad ooccmõõžž, meâlddõõzzid leʹbe lââʹssčiõlǥtõõzzid pååʹšt mieʹldd.
Kela siâzztââll neʹttäʹššummuž – teʹlfoonkääzzkõs da kääzzkõspääiʹǩ še vieʹǩǩte
Håʹt Kela pååʹšt mieʹldd vuõltteem tuʹmmstõõǥǥ vuäiʹtte mâŋŋned tuâjjčuõǯǯtõõzz diõtt, tuʹmmstõõǥǥ kuuitâǥ kuâsttje takainalla OmaKela-neʹttkääzzkõõzzâst. Äʹššniiʹǩǩi pååʹštʼtem ooccmõõžži da meâlddõõzzi puättmõš Kelaaʹje vuäitt še mâŋŋned, da tõn diõtt vââʹjj leeʹd, što aainâs reâuǥteʹmesvuõttouddõõzzi da piʹrǧǧeemtuärjjõõzz mähssmõš mâŋŋan.
Nuʹtt-ba Kela äʹššniiʹǩǩi kaʹnnat äʹššeed vuõss-sâjjsânji OmaKelast, koʹst tuâjjčuõǯǯtõs ij vaaikât äʹššummša. Kääzzkõʹsse ǩeeʹrjtõõđât neʹttbaŋkktiõttivuiʹm leʹbe mobiilstaanõõǥǥin, da kääzzkõõzzâst vuäitt tääʹrǩsted še jiijjâs ooccmõõžž ǩiõttõõllâmvueʹjj.
– Jäänmõs Kela äʹššniiʹǩǩin âânn juʹn OmaKela. Jos aainâs vuäitt, ååʹn kaʹnnat serddjed håiddad Kela-aaʹššeez neeʹttest, ceälkk Kela äʹššneǩvuõttjuâkkaz šurr Soili Orre.
Kela teʹlfoonkääzzkõõzzâst da kääzzkõspaaiʹǩin tuärjjeet äʹššniiʹǩǩid taarb mieʹldd sij neʹttäʹššummšest da vieʹǩǩtet tõid äʹššniiʹǩǩid, kookk jie vueiʹt äʹššeed neeʹttest.
Kela pârgg võõnnâd
Kela pârgg väʹldded lokku čåuddmõõžžsteez tuâjjčuõǯǯtõõzz šõddeem mâŋŋnummšid.
– Mij fiʹttjep Kelast, što puk äʹššneeʹǩǩ jie pââʹst äʹššeed liâdǥlânji. Tuejjeep puk tõn õuʹdde, što tuâjjčuõǯǯtõõzz vaaiktõõzz jie vaareʹče äʹššniiʹǩǩeen piʹrǧǧummuž, ceälkk Orre.
Kela seuʹrrai tuâjjčuõǯǯtõõzz vaaiktõõzzid da teâđat tõin äʹššniiʹǩǩid da õhttsažtuâjjkuõiʹmid.
Looǥǥ lââʹzz
Nääiʹt äʹššääk OmaKela-äʹššeemkääzzkõõzzâst
Nuõrttsääʹmǩiõllsaž teʹlfonkääzzkõs
Kela äʹššneǩ-kääzzkõõzz teʹlfoon-nââmar (lääddas)