Luámáttuvah | Anarâškielâ | KelaMoonâ siskáldâsân

Luámáttuvah

Tun puávtáh uuccâđ luámáttuvâid fáádá tâi luámáttâhkoodi vuáđuld. Nubbe muulsâiähtu lii, ete tun laađah luámáttuvâid fáádá mield.

Luámáttuvah láá pdf-häämist. Luámáttâh lekkâs Luođii pdf -liiŋkâst (Lataa pdf). Iänááš uási Kela hiäđuin tun puávtáh uuccâđ meid neetist.

Vâi luámáttâh tuáimá feilâttáá, te tun tarbâšah uđđâsumos versio Adobe Reader -ohjelmist. Ohjelm puáhtá luođiđ nuuvtá Adobe nettisiijđoin.

Sämikielâlij luámáttuvâi tevdimân tun tarbâšah meid sämikielâ puállupevdivuájáán. Puoh luámáttuvah iä lah jurgâlum sämikielân.

Ko tun uusah torjuu sämikielâlii luámáttuvváin, te tun finniih meid miärádâs sämikielân.

  1. Vuorkkii kuárus luámáttuv jieijâd piergâsân.
  2. Leehâ luámáttuv Adobe Readerist já teevdi tom.
  3. Vuorkkii tevdum ucâmuš jieijâd piergâsân.
  4. Vuolgât ucâmuš OmaKelast:
  • Čáládât siisâ OmaKelan já moonâ sajan Viestah (Viestit).
  • Valjii jieš viestâ fáddán hiäđu, mon tun lah ucâmin.
  • Valjii tiätuvuárháid jieijâd piergâsist já teddil Vuolgât (Lähetä).
  • Ko tun vuolgâttah ucâmuš OmaKelast, te tom ij taarbâš vuáláčäälliđ.

Nubbe muulsâiähtu lii, ete tun printtiih já vuolgâttah jieijâd ucâmuš poostâ peht:

  • Vuáláčääli ucâmuš já vuolgât tom lahtosijguin čujottâsân Kela, PL 10, 00056 Kela. Jis luámáttuvâst lii nubbe postâčujottâs, te keevti tom.

Huám.! Nube peeleest tun jieh paste vuolgâttiđ ucâmuš OmaKelast.

Motomin tiätuvuárhá luođim ij luhostuu ohtâvuotâčuolmâi tiet já čuávumuššân lii feilâalmottâs. Čuávvoo kevttimtove laađđâm  puáhtá macâttiđ siämmáá feilâalmottâs tuu maašin koskâmuštoost. Talle kannat keččâliđ laađđâm koskâmušto sikkom.

Jis luámáttuv tevdim tâi printtim ij luhostuu, te täärhist, ete tun kiävtáh Adobe Reader. Jis tun kiävtáh kevttimvuáháduv tâi laađđâm jieijâs Reader- tâi Viewer-ohjelm, te luámáttuv puoh jiešvuođah iä veltihánnáá tooimâ. Feeilah pyehtih šoddâđ meid Adobe Reader puáris tâi feilâlii versiost, kuás ohjelm kalga stelliđ uđđâsist. Uđđâ versio puáhtá luođiđ nuuvtá Adobe nettisiijđoin.

Puoh luámáttuvah iä lah vala juksâmnáál ađai taid ij pyevti kevttiđ om. čááitulohhein. Luuvâ lase juksâmvuođâst juksâmvuotâčielgiittâsâst.

Ko tun tiävdáh luámáttuvâid, main láá rekinistemjiešvuođah, te visásmit, ete tun kiävtáh Adobe Reader uđđâsumos versio.

Ko tun tiävdáh suumij luámáttâhân, te keevti

  • suomâ-, ruotâ- já sämikielâlijn luámáttuvâin tuháttij iärutteijen čuággá já desimaalij iärutteijen ceehi (1.234,00 €)
  • eŋgâlâskielâlijn luámáttuvâin keevti tuháttij iärutteijen ceehi já desimaalij iärutteijen čuággá (1,234.00 €).

Tiervâsvuođâhuolâttâs áámmátulmui kevttimnáál uáivildum luámáttuvah kávnojeh vuosâsaajeest ornijdume kevttim pyecceetiätuvuáháduvâst.

Tiervâsvuođâhuolâttâs áámmátulmuuh finnejeh luámáttuvâid pdf-häämist meid Terveysportti-palvâlusâst (suomâkielân), Lääkäriportaali-palvâlusâst (suomâkielân)Lääkäriliitto jeessânpalvâlusâst (suomâkielân).

Sijđo lii peividum 16.2.2024

Mon mielâst tun lah sijđoost?