Uuccâm já máksim | Anarâškielâ | KelaMoonâ siskáldâsân

Uuccâm já mäksim

Tun puávtáh uuccâđ iänááš torjuid neetist.

Jis tun lah ucâmin áigápuátutorjuu, te keejâ ton tärhibijd uuccâmravvuid.

Täärhist ucâmušâst, ete moh lahtosijd tast kalgeh leđe. Meid lahtosijd puáhtá toimâttiđ Kelan ášástâllâmpalvâlusâst viermist.

Tun puávtáh uuccâđ torjuid meid luámáttuvâiguin, maid finnee Kela toimâttuvâst tâi nettiisiijđoin.

Jis tun uusah torjuu luámáttuvváin, te vuolgât tom Kelan. Kela čujottâs lii

Kela
PL 10
00056 KELA

Puávtáh tipšođ masa puoh Kela-ašijdâd meiddei puhelin peht.

Miärádâs torjuu mäksimist

Ko Kela lii kieđâvuššâm tuu ucâmuš, te tun finniih pááikán reivân miärádâs tast, ete finniih-uv torjuu. Miärádâsâst muštâluvvojeh torjuu meeri, vuáđustâsah já máksupeivi. Tun uážuh miärádâs meid talle, jis tunjin ij lah mieđettum toorjâ.

Ko tun uusah torjuu sämikielâlii luámáttuvváin, te tun finniih miärádâs meid sämikielân.

Kela máksá torjuu tuu paŋkkitilin. Tun puávtáh keččâđ torjui máksupeeivijd (suomâkielân).

Almoot, jis tuu tiileest šaddeh nubástusah

Jis tuu eellim muttoo, tot puáhtá vaiguttiđ Kela torjuid. Muttum puáhtá kuoskâđ ovdâmerkkân asâmân, puáđoid, porgâmân tâi perrui.

Mušte almottiđ nubástusâin Kelan. Puávtáh toohâđ tom neetist, puhelimist tâi toimâttuvâst.

Tuu ovdâsvástádâs lii visásmittiđ jieijâd peeleest, ete Kelast láá olmâ tiäđuh kevttimnáál. Talle toorjâ máksoo tunjin olmâ stuárusâžžân.

Jis miärádâsâst lii feilâ

Jis Kela miärádâsâst lii tuu mielâst feilâ, tun puávtáh uuccâđ nubástus miärádâsân. Tun finniih miärádâsreeivâ mield ravvuid tast, ete maht nubástus occoo.

Jis tust láá koččâmušah, te vääldi vistig ohtâvuođâ Kelain.

Mon mielâst tun lah sijđoost?