GAS-metoda materiálat, mat geavahuvvojit Kela veajuiduhttimis, gávdnojit dál maiddái golmma sámegillii
Kela-veajuiduhttimis lea anus GAS-metoda veajuiduhttima mihttomeriid dahkama ja daid ollašuvvama árvvoštallama gaskoapmin. GAS-metoda Giehtagirji ja Mu mihttomearit -skovvi gávdnojit dál maiddái davvisámegillii, anárašgillii ja nuortalašgillii.
GAS-metoda (Goal Attainment Scaling) doaibmá Kela veajuiduhttimis mihttomeriid dahkama ja árvvoštallama gaskoapmin. Veajuiduhttimis meroštallojit ovttas áššehasain mihttomearit, mat leat realisttalaččat ja áššehassii dehálaš mihttomearit, main leat áigetávvalat ja maid sáhttá mihtidit ja merket bajás ja dasto árvvoštallat daid juksama. GAS-metoda dahká vejolažžan kvalitatiiva mihttomeriid mihtideami, mii álkidahttá veajuiduhttima ávkki árvvoštallama ja raporterema.
Áššehasa mihttomearit merkejuvvojit Mu mihttomearit -skovvái veajuiduhttima álggus, ja dat árvvoštallojuvvojit veajuiduhttima áigge ja dallego veajuiduhttin nohká. Mihttomeriide meroštallojuvvo viđaceahkat skála, mas gaskadássi (0) govvida mihttomeari vurdon juksama, ja eará dásit govvidit jogo fuonit (-1, -2) dahje buoret (+1, +2) ollašuvvama.
GAS-metoda geavaheapmi eaktuduvvo buot daid Kela veajuiduhttinbálvalusain, maid ollašuvvama stivre bálvalusgovvádus.
Kela ovddida sámegielat olbmuid veajuiduhttima nu, ahte vuhtiiváldá gielalaš vuoigatvuođaid
Kela geahččala ovddidit sámi giellalága ulbmiliid ja sámiid duođalaš ovttaveardásašvuođa ollašuvvama geavadis. Sámiid gielalaš vuoigatvuođat gusket maiddái Kela veajuiduhttinbálvalusaid ja áššehasas lea vuoigatvuohta geavahit sámegiela Kela veajuiduhttinášši gieđahallamis. Kela ordne dál Tules-kurssaid sámegielat olbmuide, ja sámegielat olbmot sáhttet háliidettiin oažžut tulkoma maiddái Kela ordnen eará veajuiduhttimiidda. Kela lea jorgalan sámegielaide maiddái veajuiduhttima ohcanskoviid. Skovit gávdnojit Kela sámegielat neahttasiidduin.
GAS-metoda jorgalanbargu lea gárvánan oassin Veajuiduhttin sámegielat olbmuide -prošeavtta, mas ovddidit ja geahččalit sámegielat olbmuide dárkkuhuvvon veajuiduhttinbálvalusa, mii vuhtiiváldá giela ja kultuvrra. Figgamuššan lea, ahte veajuiduhttinbálvalus, mii geahččaluvvo prošeavttas, álggášii jagi 2026 álggus. Áššehasa individuála dárbbuid vuhtiiváldi veajuiduhttinbálvalus lea dárkkuhuvvon 18-67-jahkásaš sámegielat olbmuide dahje áššehasaide, geat dárbbašit sámekultuvrii heivehuvvon veajuiduhttima, ja geain leat mielladearvvasvuođa hástalusat. Veajuiduhttinbálvalussii stivrema ja ohcama birra lea dárkkuhus dieđihit ja almmustahttit iežas neahttasiiddu čakčamánus 2025.
Oahpásmuva sámegielat materiálaide
GAS-metodaráva
GAS-skovvi (Mu mihttomearit)
Kela skovit persovdnaáššehasaide