Áhčiidruhta – Jos rehkenastojuvvon áigi ovdal 4.9.2022 | Davvisámegiella | KelaMana sisdollui

Áhčiidruhta – rehkenastojuvvon áigi ovdal 4.9.2022

Dát siidu guoská du bearraša,

  • ​​​​jos rehkenastojuvvon áigi lei ovdal 4.9.2022
  • válddiide adopšuvdnamáná dikšui 30.7.2022 dahje ovdal dan.

Jos mánná riegádii dahje adopšuvdnamánná váldojuvvui dikšui maŋŋelis, máná nubbi vánhen sáhttá oažžut vánhemiidruđa.

Loga lasi váhemiidruđas.

Áhčči sáhttá doallat áhčiidfriija oktiibuot eanemustá 54 árgabeaivvi dahjege sulaid 9 vahku. Kela máksá áhčiidfriija áigge áhčiidruđa.

Áhčči sáhttá leat áhčiidfriijas 1–18 árgabeaivvi nappo eanemustá 3 vahku seamma áigge, go eadni lea luomus. Sáhtát doallat dán oasi áhčiidfriijas hávil dahje juohkit dan eanemustá njealje oassái.

Jos leat juo doallán 18 árgabeaivvi friija, sáhtát doallat vel 36 árgabeaivvi lasi. Sáhtát doallat daid dan maŋŋá, go vánhemiidruhta lea nohkan.

Sáhtát doallat friija hávil dahje guovtte oasis. Jos it leat vel doallan olláge friija, sáhtát doallat visot 54 árgabeaivvi hávil.

Jos bearaš oažžu jumežiid, Kela máksá áhčiidruđa vel 18 árgabeaivvi lasi. Dáid beivviid sáhtát doallat oktanaga etniin dahje vánhemiidruđa nohkama maŋŋá.

Siidu beaiváduvvon 16.2.2024

Maid jurddašat siiddu birra?