1. Vurke guoros skovi vuos iežat reidui. Ale deavdde ohcamuša njuolgga neahttaloganis, daningo dalle oassi dieđuin báhcá vurketkeahttá.
2. Raba skovi Adobe Reader -prográmmas ja deavdde skovi. Go sáddet ohcamuša MuKelas, dan ii dárbbaš vuolláičállit.
3. Vurke devdojuvvon ohcamuša iežat reaiddus. Ohcamuš galgá leat pdf-hámis.
4. Čálit sisa MuKelai ja sirdás čuoggái Sádde čuvvosa.
5. Lasit ohcamuša čuovusin ja deaddil Sádde.
6. Sádde čuvvosiid MuKelas dan maŋŋá, go leat sádden ohcamuša. Jos čuvvosat leat báhpáris, sáhtát váldit dain gova.

Jos it sáhte geavahit MuKela, sádde ohcamuša poastta bokte Kelai. Vurke skovi iežat reidui ja deavdde dan vurkema maŋŋá. Sádde printejuvvon skovi ja čuvvosiid čujuhussii Kela, PL 10, 00056 KELA. Jos skovis lea eará poastačujuhus, de geavat dan.

Skovi luđen iežat reidui ii lihkosmuva

Muhtumin fiilla luđen eahpelihkostuvvá oktavuođaváttisvuođaid dihte ja čuovvumuššan lea meaddinalmmuhus. Čuovvovaš geavahangeardde neahttalogan sáhttá máhcahit seamma meaddinalmmuhusa du dihtora gaskamuittus. Dalle gánneha iskat neahttalogana gaskamuittu gurrema.

Skovi deavdin dahje printen ii lihkosmuva

Jos skovi deavdin dahje printen ii lihkosmuva, dárkkis ahte geavahat Adobe Readera. Sáhtát maiddái lonuhit reaiddu ovdamearkan tableahtas dihtorii. Jos geavahat geavahanvuogádaga dahje neahttalogana iežas Reader- dahje Viewer-prográmma, skovi buot iešvuođat eai vealttatkeahttá doaimma. Meaddimat sáhttet boahtit maiddái Adobe Readera boares dahje vigálaš veršuvnnas, dalle prográmma galgá luđet dahjege ásahit ođđasit. Ođđa veršuvnna sáhttá luđet nuvttá Adobe neahttasiidduin (get.adobe.com).

Meaddinalmmuhus suollemassátnesuddjemis

Muhtin dáhpáhusain sáhtát oažžut meaddinalmmuhusa, mii almmuha skovi suollemassátnesuddjemis. Ná sáhttá geavvat, jos álggát deavdit skovi ovdamearkan neahttalogana pdf-lohkkiin ja joatkkát maŋŋá muhtin eará prográmmain.

Skovvi doaibmá riekta, go vurket vuos guoros skovi iežat reidui. Raba dasto skovi Adobe Reader -prográmmain ja deavdde dieđuid das. Jos it deavdde olles skovi hávil, muitte vurket skovi ja rahpat dan fas Adobe Reader -prográmmain.

Skovi lasiheapmi MuKelai ii lihkosmuva

Muhtumin pdf-skovi lasiheapmi MuKelai ii lihkosmuva ja oaččut meaddinalmmuhusa “Čuvvosa sádden ii lihkosmuvvan.  Čuvvosa sáddemis dáhpáhuvai feaila. Geahččal ođđasit fargga. Jos problema ii čoavdašuva, váldde oktavuođa Kela teknihkalaš áššehasdoarjagii.”

Geahččal printet devdojuvvon skovi pdf-hápmái dihtora ”print to pdf” -doaimmain. Amma fuobmát, ahte dan maŋŋá skovi hábmen ii šat leat vejolaš nu, ahte bargga dan easkka loahpas. Vurke fiilla eará namain go skovi veršuvnna, mii devdojuvvo. Sáhtát maiddái sáddet fiilla govvan MuKelai čuovvovaš fiilahámiin: PNG-govvafiillat (.png), JPG-govvafiillat (.jpg, .jpeg), TIFF-govvafiillat (.tiff).

Go geavahat rehkenastiniešvuođaid sisttisdoalli skoviid, sihkkarastte, ahte geavahat Adobe Readera ođđaseamos veršuvnna.

Go deavddát supmiid skovvái, geavat

• suoma-, ruoŧa- ja sámegielat skoviin duháhiid earuheamis čuoggá ja desimálaid earuheamis rihku (1.234,00 €)
• eaŋgalasgielat skoviin geavat duháhiid earuheamis rihku ja desimálaid earuheamis čuoggá (1,234.00€).

Dearvvašvuođafuolahusa ámmátolbmuid deavdinláhkái dárkkuhuvvon skovit gávdnojit vuosttamužžan divššohasdiehtovuogádagas mii lea anus organisašuvnnas.

Dearvvašvuođafuolahusa ámmátolbmot ožžot skoviid pdf-hámis maiddái Terveysportti-bálvalusas (suomagillii), Lääkäriportaali-bálvalusas (suomagillii) ja Doavtterlihtu lahttobálvalusas (Lääkäriliiton jäsenpalvelu, suomagillii).