Ohcan ja máksin | Davvisámegiella | KelaMana sisdollui

Ohcan ja máksin

Sáhtát ohcat iešguđege doarjagiid neahtas.

Jos leat ohcamin áigáiboahtindoarjaga, oahpásnuva dárkkilut rávvagiidda.

Dárkkis ohcamušas, mat čuvvosat das galget leat mielde. Maiddái čuvvosiid sáhttá doaimmahit Kelai áššiiddikšunbálvalusas neahtas.

Sáhtát ohcat doarjagiid maiddái skoviiguin, maid oaččut Kela doaimmahagain ja neahttasiidduin.

Jos ozat doarjaga skoviin, sádde dan oktan čuvvosiiguin Kelai. Kela poastačujuhus lea

Kela
PL 10
00056 KELA

Sáhtát doaimmahit measta buot Kela-áššiid maiddái telefovnnain.

Mearrádus doarjaga máksimis

Go Kela lea gieđahallan du ohcamuša, oaččut ruoktot mearrádusreivve das, oaččutgo doarjaga. Mearrádusas muitaluvvo doarjaga sturrodat, mearrádusa ákkastallamat ja máksinbeaivi. Oaččut mearrádusa maiddái dalle, jos dutnje ii leat mieđihuvvon doarjja.

Go ozat doarjaga sámegielat skoviin, oaččut mearrádusa maiddái sámegillii.

Kela máksá doarjagiid du báŋkokontui. Sáhtát dárkkistit máksinbeivviid (suomagillii).

Almmut, jos du dilli nuppástuvvá

Jos du eallin nuppástuvvá, dat sáhttá váikkuhit Kela doarjagiidda, maid don oaččut. Nuppástus sáhttá guoskat ovdamearkka dihte ássama, boađuid, bargama dahje bearraša.

Muitte almmuhit nuppástusain Kelai. Sáhtát dahkat dan neahtas, telefovnnas dahje doaimmahagas.

Dus lea ovddasvástádus iežat bealis sihkkarastit, ahte Kelas leat rivttes dieđut. Dalle dutnje máksojuvvon doarjaga mearri lea riekta.

Jos mearrádusas lea feaila

Jos leat dan oaivilis, ahte Kela mearrádusas lea feaila, sáhtát ohcat nuppástusa mearrádussii. Oaččut mearrádusa mielde rávvagiid das, mo nuppástus ohccojuvvo.

Jos dus leat jearaldagat, váldde vuos oktavuođa Kelai.

Maid jurddašat siiddu birra?