Kela ođđa veajuiduhttinbálvalus, mii váldá vuhtii sámegiela ja kultuvrra

Kela álggaha cuoŋománus 2026 geahččaleami ođđa veajuiduhttinbálvalusas, mii váldá vuhtii sámegiela ja kultuvrra.

Kela álggaha cuoŋománus 2026 ođđa máŋggaámmátlaš veajuiduhttinbálvalusa geahččaleami, Fielbmá  – sámegielat mielladearvvasvuođaveajuiduhttima. Bálvalus lea dárkkuhuvvon 18-67-jahkásaš sámegielat áššehasaide ja/dahje áššehasaide, geat dárbbašit sámekultuvra vuđot veajuiduhttima ja geain leat mielladearvvasvuođa hástalusat.

Ulbmilin lea doaibmanávccalaš árga

Veajuiduhttima ulbmilin lea áddet hástalusaid, mat bohtet trauma- ja mielladearvvasvuođa váttisvuođain. Dan lassin veadjima, doaibmannávcca ja árggas birgendáidduid buorideapmi.

Bálvalus sáhttá ollašuhttot individuálalaččat ja njuovžilit árgabeaivvi birrasiin, bálvalanbuvttadeaddji doaibmabáikkis dahje gáiddusoktavuođaiguin govvatelefovdnan. Veajuiduhttimii gullet sihke persovnnalaš- ja joavkodeaivvadeamit ja dain váldojuvvojit vuhtii lagamuččat ja eará lagasbiras.

- Veajuiduhttinbálvalussii lea vejolaš ohcat gos fal Suomas, daningo veajuiduhttima lea vejolaš ollašuhttit maiddái ollásit gáiddusin, prošeaktahoavda Laura Jokiranta muitala.

Ovttasbarggus ovddiduvvon bálvalus

Kela lea plánen veajuiduhttima sisdoalu ovttasbarggus sámedikkiin ja Lappi buresveadjinguovlluin ja eará čanusjoavkkuiguin.

Veajuiduhttinbálvalusa ollašuhtti máŋggaámmátlaš joavkkus lea unnimustá okta sámegielat ámmátolmmoš.  Kela ordne sámegielat áššehassii dulkoma su iežas gillii, jos veajuiduhttinbálvalusas geavahuvvo suomagiella dahje eará go áššehasa geavahan sámegiella. 

Veajuiduhttinbálvalusas lea vejolaš geavahit maiddái suomagiela dahje suoma- ja sámegielaid bálddalagaid. Kela ii gáibit veajuiduhttinbálvalusa áššehasas sámegielaid dáiddu, ja áššehas sáhttá ohcat bálvalussii maiddái oažžudihte bálvalusa, mii vuhtiiváldá sámekultuvra. 

Veajuiduhttinbálvalusa ollašuhttá 13.4.2026 rájes Coronaria Kuntoutuspalvelut Oy Oulu. geahččaleami veajuiduhttinollisvuođat nohket 30.6.2027 rádjái.

Kela ovddida bálvalusa ovttas veajuiduhttinbálvalusaid buvttadeddjiiguin ja koordinere ollisvuođa oassin Veajuiduhttin sámegielagiidda -prošeavtta. Veajuiduhttimis dahkko maiddái árvvoštallandutkamuš.

Ná ozat veajuiduhttimii

Vállje ohcanskovis Guorahallanvuloš veajuiduhttin (KU 132sme, pdf) veajuiduhttinkursa-molssaeavttu ja deavdde ohcamušas ohcci dieđuid lassin čuoggáid 28.  Bálvalussii ii gula idjadansadji.

• Ohcamuša mildosiin dárbbašat almmolaš dearvvasvuođafuolahusas dahkkon B-cealkámuša dahje eará medisiinnalaš čielggadusa, mii sisttisdoallá sullasaš dieđuid. Veajuiduhttin lea dárkkuhuvvon áššehasaide, geain lea gávnnahuvvon láivves dahje gaskadási váttis šlundivuohta, guovtteguvllot mielladillemolsašuddan, traumavuđot streassahehttehus dahje juoga eará traumai laktáseaddji guhkesáigásaš dávdamearka.
• Sáhtát sáddet ohcamuša Kelai elektrovnnalaččat MuKelas.
• Ohcamuša sáhttá sáddet Kelai maiddái poastta fárus čujuhussii Kela, PL 10, 00056 KELA.
• Jos dárbbašat veahki ohcamuša deavdimii dahje dus lea eará jearramuš, sádde oktavuođaváldinbivdaga čujuhussii saame@kela.fi.

Ohcamušat sáhttet váldot vuostá jo árabutge, muhto mearrádusdahkan álgá easkka 11.3.2026 rájes.

Loga lasi

Brošyra: Fielbmá – sámegielat mielladearvvasvuođaveajuiduhttin (pdf)