Diehtu bálvalusas | KelaMana sisdollui

Diehtu bálvalusas

Kela.fi-neahttabálvalusa dárkkuhussan lea muitalit riikkavuložiidda, makkár doarjaga ja maid ovdduid Kela fállá iešguđet eallindiliin. Kela.fi bálvala maiddái bargoaddiid, bargoguimmiid ja eará čanusjoavkkuid.

Ovdomearrádusaid, mat Kelas dahkkojit, vuođđun lea alo láhkaásaheapmi eaige dán neahttabálvalusa sisdoalut. Mis lea figgamuš dasa, ahte neahttabálvalusa sisdoallu lea alo áigeguovdilis. Beaivemearri siiddu vuolleravddas muitala, goas neahttasiidu lea mannan háve beaiváduvvon.

Mii muitalit nu čielga gielain go vejolaš sosiáladorvvus ja dasa guoskevaš láhkaásaheamis, mii lea dávjá mohkkái. Siiddus ii muitaluvvo buot ovttaskasáššiin dahje sierradiliin, mat laktásit ovdduid oažžumii ja ohcamii. Jos du ášši lea mohkkái, váldde oktavuođa min áššehasbálvalussii. Jos háliidat, don sáhtát oahpásmuvvat maiddái Kela ovdorávvagiidda (suomagillii ja ruoŧagillii).

Láhkaásaheapmi, mii guoská ovdduide, lea válmmaštallon riikkabeivviin ja stáhtaráđis. Kela bargun lea láhkaásaheami ollašuhttin.

Čuovusfiillat

Min neahttabálvalussii liŋkan biddjojuvvon fiillat leat eanaš pdf-fiillat. Daid sáhttá lohkat neahttaloganiin dahje sierra pdf-lohkanprográmmain. Ovdamearkka dihte nuvttá Adobe Reader (get.adobe.com) heive dasa.

Bajásdoallan ja ovddideapmi

Neahttabálvalusa ovddideamis ja bajásdoallamis vástida Kela gulahallanovttadat. Jos háliidat addit almmolaš máhcahaga min neahttabálvalusas, sáhtát sáddet sámegielat máhcahaga Kela sámegielat bálvalussii (saame@kela.fi). Jos du máhcahat guoská dihto neahttasiidui ja dan sisdollui, sáhtát addit guđege siiddus máhcahaga boaluin, mii gávdno siidduid vuolleravddas sajis ”Maid jurddašat siiddus?”.

Dahkkivuoigatvuođat

Neahttabálvalusa dahkkivuoigatvuođat ja eará vuoigatvuođat gullet Kelai. Dás fuolatkeahttá kela.fi sisdoaluid oažžu ávkkástallat lupmosit, go almmuha gáldu ja fuolaha iežas siidduid bajásdoallamis. Sáhtát maiddái lupmosit bidjat liŋkkaid, mat dolvot Kela siidduide.

Loga lasi