Etniidpakeahta juohkin álgá – mielde ovddibu ektui eanet buktagat
Dál almmustahtton etniidpakeahtta sisttisdoallá ovddibu ektui eanet buktagiid, dasgo etniiddoarjaga árvu badjánii dán jagi. Kela lea juohkigoahtán pakeahta áššehasaide.
Etniiddoarjja lea etniidpakeahtta dahje 210 euro ruhtasubmi. Ođđa etniidpakeahtta almmustahtto jahkásaččat vehá sierra áiggiid. Ođđa pakeahtta almmustahtto, go ovddit pakeahtat leat juhkkon lohppii.
Etniiddoarjja lassánii jagi álggus
Dábálaččat maŋŋálas jagiid pakeahtat eai earrán mearkkašahtti láhkai nubbi nuppis. Etniidpakeahtas, mii dál juhkkojuvvo, leat goit eambo buktagat go ovdal, dasgo etniiddoarjja bajiduvvui 170 euros 210 euroi. Etniiddoarjaga árvvu bajideapmi laktása ráđđehusa mihttomearrái nannet dállodoaluid luohttámuša boahttevuhtii.
– Etniiddoarjaga árvvu badjáneami geažil dál juohkinláhkai boahtán etniidpakeahtta fállá eadnái ja vávvái ain buoret doarjaga ođđa eallinmuttus, Kela áššedovdi Veera Petäjä muitala.
Etniidpakeahta plánemis váldojit vuhtii eatnit ja vávvát. Buktagat válljejuvvojit kriteraiguin, mat vuođđuduvvet kvalitehttii ja dorvvolašvuhtii. Maiddái áššehasmáhcahat lea mearkkašahtti rollas etniidpakeahta plánemis.
– Go iežas vávvá stuorru nu, ahte etniidpakeahta buktagat eai šat heive, de buktagiid sáhttá addit ovddosguvlui. Kelai ja bearrašiidda lea dehálaš, ahte etniidpakeahta buktagiiguin sáhttá ávkkástallat guhká, Petäjä gávnnaha.
Etniidpakeahtas ođđa: spábba ja seaŋgakássa govadatmálle
Dán ođđa etniidpakeahtas lea mielde spábba. Dan ruhtada ráđđehusprográmmii gullevaš Suomi liikkeelle ‑prográmma, man mihttomearrin lea oažžut suopmelaččaid lihkadit eambo. Etniidpakeahta dipma ja ivdnás spábba doarju váhnema ja vávvá vuorrováikkuhusa sihke roahkasmahttá bearrašiid oktasaš barggildeapmái.
Ođđa ášši etniidpakeahtas lea maid seaŋgakássa govuheapmi. Dan lea govuheaddji Eveliina Muotkavaara plánen ja namman lea Kuvitellaan tulevaa (Govahallat boahttevaš áigi).
– Hálidin hábmet govadatmálle, mii illudahttá ja dovdo liekkasin dán bearrašiidda áidnalunddot eallinmuttus. Persihka ivdnásaš govadatmálle gomuvuođa birra geasuha govahallat boahttevašvuođa ja rávásmuvvama, Muotkavaara čilge.
Etniidpakehttii sáhttá diŋgot sámegielat vuosttasgirjji
Sámegielat bearrašat sáhttet diŋgot etniidpakehttii deaddiluvvon sámegielat vuosttasgirjji. Vuosttasgirjji sáhttá diŋgot skoviin SV 300 (pdf, suomagillii). Diŋgonskovvi gávdno kela.fis maiddái golmma sámegillii:
Deaddiluvvon vuosttasgirjji etniidpakeahta ođđasut suoma- ja ruoŧagielat vuosttasgirjji sámegielat jorgalusaide sáhttá oahpásmuvvat kela.fi sámegielat siidduin.
Oahpásnuva etniidpáhkkii
Dál almmustahtton etniidpakeahtta sisttisdoallá ovddibu ektui eanet buktagiid, dipma ja ivdnás spáppa ja ođđa seaŋgakássa govuheapmi. Kela lea juohkigoahtán pakeahta áššehasaide.