Eʹččvuõtt-teäʹǧǧ – Jõs laʹsǩǩuum äiʹǧǧ ouddâl 4.9.2022 | Nuõrttsääʹmǩiõll | KelaSirddu siiskõʹsse

Eʹččvuõtt-teäʹǧǧ – laʹsǩǩuum äiʹǧǧ ouddâl 4.9.2022

Tät seidd kuâskk piârrjad, jõs

  • laʹsǩǩuum äiʹǧǧ leäi ouddâl 4.9.2022
  • vaaʹldid adoptiopäärna hoiddu 30.7.2022 leʹbe ouddâl tõn.

Jõs päärnaž šõõddi leʹbe adoptiopäärna vaʹlddeš hoiddu mâʹŋŋlõbân, päärna puärrsin nuʹbb vuäitt vuäǯǯad puärrsitieʹǧǧ.

Looǥǥ lââʹzz puärrsitieʹǧǧest.

Eʹčč vuäitt ââʹnned eʹččluõvâsvuõđ õhttsiʹžže jäänmõsân 54 arggpeiʹvved leʹbe nuʹtt 9 neäʹttled. Kela mähss eʹččluõvâsvuõđ ääiʹjest eʹččvuõtt-tieʹǧǧ.

Eʹčč vuäitt leeʹd eʹččluõvâsvuõđâst 1–18 arggpeiʹvved leʹbe jäänmõsân 3 neäʹttel seämma ääiʹj ko jeäʹnn lij luõvâsvuõđâst. Vuäitak ââʹnned tän vuässõõzz eʹččluõvâsvuõđâst õhttân vuâra leʹbe jueʹǩǩed tõn jäänmõsân neellj pâjja.

Jõs leäk juʹn âânnam 18 arggpeiʹvved luõvâsvuõđ, vuäitak võl ââʹnned 36 arggpeiʹvved. Vuäitak ââʹnned tõid tõn mâŋŋa, ko puärrsitieʹǧǧ vuäǯǯmõš lij puuttâm.

Vuäitak ââʹnned luõvâsvuõđ õhttân vuâra leʹbe kueʹhtten pââʹjest. Jõs jiõk leäkku âânnam võl ni vooʹps luõvâsvuõđ, vuäitak ââʹnned õhttân vuâra puk 54 arggpeiʹvved luõvâsvuõđ.

Jõs piârrja šâʹdde juuʹmiǩ, Kela mähss eʹččvuõtt-tieʹǧǧ 18 arggpeiʹvved lââʹzz. Täid peeiʹvid vuäitak ââʹnned seämma ääiʹj jieʹnnin leʹbe puärrsitieʹǧǧ puuttâm mâŋŋa.

Eʹččluõvâsvuõđ ââʹnet ouddâl ko päärnaž lij teâuddam 2 eeʹjj. Vuäitak ooccâd eʹččvuõtt-tieʹǧǧ mââiǩiõʹtte. Ooʒʒ eʹččvuõtt-tieʹǧǧ kuuitâǥ ouddâl ko päärnaž teâudd 2 eeʹjj da 2 määnpââʹj.

Iʹlmmet tuâjjuʹvddja eʹččluõvâsvuõđâst mââimõõzzâst 2 määnpââʹj ouddâl luõvâsvuõđ aalǥ. Jõs luõvâsvuõttad lij jäänmõsân 12 arggpeiʹvved, iʹlmmet tõʹst määnpââʹj ouddǩiõʹtte. Vuäitak ooccâd eʹččvuõtt-tieʹǧǧ, jõs leäk ouddmiârkkân põõrǥâsneǩ, reâuǥtem leʹbe mättʼtõõtti.

Seidd peeiʹvtum 16.2.2024

Mõõnn miõl leäk seeidast?