Nääiʹt ooʒʒak ouddõõzzid neeʹttest sääʹmǩiõʹlle

Sääʹmǩiõllsaž MuuKela-kääzzkõõzzâst vuäitak ooccâd puõccihåidd- da taalkâskoʹrvvõõzzid, säursmâttmõõžž da lääʹmesvuõtt-tuärjjõõzzid. MuuKela vuäʹppast tuu ooccmõõžž da meâlddõõzzi tooiʹmtummšest Kela årra. Vaʹlljed kääzzkõõzzâst haaʹleemad ouddõõzz da õhttâd tõõzz tiuddeemad ooccmõšlomaakk. Ǥu ooccmõš lij ruâkkjõõvvâm, vuäitak lââʹzzted tõõzz taarbšum meâlddõõzzid.

Vueʹllâkksa huõlteei leʹbe Suomi.fi-väʹlddummšin nuuʹbb peäʹlest äʹššeei vuäitt še vuõltteed ooccmõõžžid da tõi meâlddõõzzid MuuKelast.

1. Ruõkk kuâras lomaakk vuõʹššen saakkneävvad sizz. Jeäʹl tiuddâd ooccmõõžž vuõiʹǧǧest plaađnjest, ǥu nääiʹt måtam teâđ vuäiʹtte pääʹcced ruâkkjõõvǩâni.

2. Ääʹved lomaakk Adobe Reader -prograammâst da tiuddâd lomaakk. Ǥu vuõlttääk ooccmõõžž MuuKelast, tõn ij taarbâž vuâllaǩeeʹrjted.

3. Ruõkk tiudduum ooccmõõžž saakkneävvsad. Ooccmõš âlgg leeʹd pdf-häämast.

4. Ǩeeʹrjtõõđ MuuKela sizz da sirddu päikka Vuõlttâd meâlddõõzz.

5. Lââʹzzet ooccmõõžž meâlddõsân da teäʹddel Vuõlttâd.

6. Vuõlttâd meâlddõõzzid MuuKelast mâŋŋa, ǥu leäk vuõlttääm ooccmõõžž. Jõs meâlddõõzz lie põʹmmai âʹlnn, vuäitak sniimmâd tõid.

   Jõs jiõk vueiʹt ââʹnned MuuKela, pååʹštet ooccmõõžž Kela addrõʹsse. Ruõkk lomaakk saakkneävvsad da ruõkkmõõžž mâŋŋa tiuddâd tõn. Vuõlttâd priʹnttjum lomaakk da meâlddõõzzid addrõʹsse Kela, PL 10 56 KELA. Jõs lomaakkâst lij nuʹbb pååʹštaddrõs, ââʹn tõn.

Lomaakk laađđmõš saakkneävvsad ij ooʹnnest

Måtmešt teâttõõzz laađđmõš ij ooʹnnest hueʹnes õhttvuõđi diõtt da tõn ǩeeʹjjest puätt vââʹǩǩiʹlmmtõs. Pueʹtti ââʹnnemvuâra plaađânj vuäitt maaccted seämma vââʹǩǩiʹlmmtõõzz saakkneävvad kõskkmooštast. Teʹl kaʹnnat kåittad plaađânj kõskkmoošt saukkmõõžž.

Lomaakk tiuddummuš leʹbe priʹnttjummuš ij ooʹnnest

Jõs lomaakk tiuddummuš leʹbe priʹnttjummuš ij ooʹnnest, tääʹrǩest, što âânak Adobe Reader. Vuäitak še vaajted saakkneävvad, ouddmiârkkân tableeʹtt sâjja teâttmašina. Jõs âânak ââʹnnemriâšldõõǥǥ leʹbe plaađânj jiiʹjjes Reader- leʹbe Viewer-prograamm, puk lomaakk vuõđ jie vieʹltǩani toiʹmme. Vââʹjj vuäiʹtte šõddâd še Adobe Reader vuäʹmm leʹbe vââǥǥlaž versiost, teʹl programm âlgg šiõtteed oʹđđest. Ođđ versio vuäitt laaddâd määustaa Adobe neʹttseeidain (get.adobe.com).

Vââʹǩǩiʹlmmtõs peittsääʹnnsuõjjeem diõtt

Måtmešt vuäitak vuäǯǯad vââʹǩǩiʹlmmtõõzz, kååʹtt iʹlmmat lomaakk peittsääʹnnsuõjjummšest. Nääiʹt vuäitt ǩiâvvâd, jõs tiuddeeškuäđak lomaakk ouddmiârkkân neʹttplaađânj pdf-lookkjin da juätkak mâʹŋŋlõbân koin-ne jeeʹres prograammin.

Lomakk toiʹmmai vuõiʹǧǧest, ǥu vuõʹššen ruõkkak kuâras lomaakk saakkneävvsad. Ääʹved mâŋŋa lomaakk Adobe Reader -prograammin da tiuddâd teâđaid tõʹst. Jõs jiõk tiuddâd lomaakk seämma vuâra, muuʹšt ruõkkâd lomaakk da ääʹveed tõn eʹpet Adobe Reader -prograammin.

Lomaakk lââʹzztummuš MuuKela sizz ij ooʹnnest

Måtmešt pdf-lomaakk lââʹzztummuš MuuKela sizz ij ooʹnnest da vuäǯǯak vââʹǩǩiʹlmmtõõzz ”Meâlddõõzz vuõlttummuš ij ooʹnnstam. Meâlddõõzz vuõlttummšest mii leežž mõõni puästtad. Kååit oʹđđest siõmmna ääiʹj ǩeeʹjjest. Jos vââʹǩǩ ij jaauk, vääʹld õhttvuõđ Kela teeknlaž äʹššneǩtuärjja.

Kååit priʹnttjed tiudduum lomaakk pdf-hämma teâttmašina ”print to pdf” -tåimmʼmõõǥǥin. Hoʹhsse, što mâŋŋa täʹst lomaakk teevvmõš ij teänab leäkku vueiʹtlvaž, nuʹt što tueʹjjed tän eman looppâst. Ruõkk teâttõõzz jeeʹres nõõmin ǥu lomaakk teevvam versio. Vuäitak še vuõltteed teâttõõzz snimldõkkân MuuKela sizz täin teâttõshäämain: PNG-snimldõkteâttõõzz (.png), JPG-snimldõkteâttõõzz (.jpg, .jpeg), TIFF-snimldõkteâttõõzz (.tiff).

Ko tiuddääk laʹsǩǩeempâstlvažvuõđid seʹst õõʹnni lomaakkid, ainsmââʹtt, što âânak Adobe Reader ođđsõmâs versio.

Ko tiuddääk suuʹmmid loʹmaʹǩǩe, ââʹn

• lääʹdd-, ruõcc- da sääʹmǩiõllsaž lomaakkin dohatjeäʹrdejjen ceäkldõõzz da desimaaljeäʹrdejjen ceäkkaz (1.234,00 €)
• eŋgglõsǩiõllsaž lomaakkin ââʹn dohatjeäʹrdejjen ceäkldõõzz da desimaaljeäʹrdejjen ceäkkaz (1.234,00 €).

Tiõrvâsvuõđhuâl ämmat-tuâjjlai tiuddeem vääras juʹrddum lomaakk käuʹnnʼje vuõss-sââʹjest organisaatio âânnmi puõcciteâttriâžldõõǥǥâst.

Tiõrvâsvuõđhuâl ämmat-tuâjjla vuäǯǯa lomaakkid pdf-hämmsest še Terveysportti-kääzzkõõzzâst (lääddas), Lääkäriportaali-kääzzkõõzzâst (lääddas) da Lääkäriliitto vuäzzlažkääzzkõõzzâst (lääddas).