Kela torjuuh pargottes ulmui

Pargottesvuotâ keeppid puáđuid. Kela huolât pargottes ulmuu vuáđutorvoost pargottesvuođâ ääigi.

Pargottesvuotâtorjuuh máksojeh ulmuid, kiäh ääsih fastâ Suomâst. Sii lasseen pargottesvuotâtorjuuh máksojeh EU-enâmijn puáttám ulmuid, kiäh láá majemustáá porgâm Suomâst.

Kela torjuuh pargottesvuotâááigán láá

  • vuáđupeiviruttâ
  • pargomarkkântoorjâ.

Täärhist meid, ete puávtáh-uv uážžuđ eres torjuid, ovdâmerkkân aassâmtorjuu.

Ko tun páásáh pargottemmin

Ko tun páásáh pargottemmin, te almottât tállân pargottemmin pargo-occen pargo- já iäláttâstoimâttâhân ađai PI-toimâttâhân. Pargottesvuotâhiäđuh máksojeh tuše ääigist, kuás tun lah pargo-occen PI-toimâttuvâst. PI-toimâttâh meid addel Kelan ciälkkámuš tast, ete pyehtih-uv mäksiđ tunjin torjuu.

Pargottesvuotâääigi tust lii kenigâsvuotâ uuccâđ aktiivlávt pargo. Tun koolgah meid väldiđ vuástá fallum pargo tâi škovlim. Tast ij pyevti piettâliđ sujâttáá, mudoi čuávumuššân puáhtá leđe hiäđui monâttem.

Mušte anneeđ tuu pargouuccâm vyeimist. Tot ráhtoo PI-toimâttuv viermisiijđoin (suomâ- já ossijn meid sämikielân).

Pargottesvuotâääigi almottâs

Jis pargottesvuotâäigi juátkoo, te tun koolgah toimâttiđ Kelan pargottesvuotâááigán kyeskee almottâs 4 oho kooskâi. Pargottesvuotâääigi almottâs tun puávtáh rähtiđ viermist tâi luámáttuvâiguin, maid tun puávtáh printtiđ Kela viermisiijđoin tâi uuccâđ Kela toimâttuvâin.

Merkkii almottâsân, ete mon peeivi tun lah lamaš pargottem já mon peeivi lah uásálistám PI-toimâttuvváin soppum tooimân. Jis tun lah pargottesvuotâääigi lamaš tyellittälli pargoost, te merkkii almottâsân, ete mon peeivi tun lah lamaš pargoost. Kela máksá tunjin torjuu tuu almottâs vuáđuld.

Luuvâ lase