Pargottes ulmuu hiäđuh
Pargottesvuotâ vyeleed puáđuid. Tain siijđoin muštâluvvoo, maid ruđâlijd torjuid tun puávtáh finniđ Kelast, jis tust ij lah pargosaje.
Kela toorjâ pargottesvuođâ ááigán lii almostoorjâ. Almostoorjâ lii puáttám pargomarkkântorjuu já vuáđupeiviruuđâ sajan. Kela ij määvsi pargomarkkântorjuu ige vuáđupeiviruuđâ innig vyesimáánust 2026 ovdâskulij.
Jis tun páásáh pargotteemmin
Jis tun páásáh pargottemmin, te almottât tállân pargo-occen pargolâšvuotâpalvâlussáid Työmarkkinatori-siijđoin (tyomarkkinatori.fi, suomâkielân).
Tun puávtáh finniđ pargottesvuotâtorjuu tuš ääigist, kuás tun lah pargo-occen jieijâd päikkikieldâ pargolâšvuotâpalvâlusâin. Pargolâšvuotâpalvâlusah meid adeleh Kelan ciälkkámuš tast, puáhtá-uv tunjin mäksiđ torjuu.
Tun koolgah meid väldiđ vuástá fallum pargo tâi škovlim. Jis tast piettâl sujâittáá, te puáhtá monâttiđ torjuid.
Mušte anneeđ jieijâd pargouuccâm vyeimist. Tun finniih toos tärhibijd ravvuid pargolâšvuotâpalvâlusâin.
Vyelni orroo kovos čáittá, maid tun koolgah toohâđ, jis tun páásáh pargottemmin.
Kuás tun vááldáh ohtâvuođâ Kelan já kuás pargolâšvuotâpalvâlussáid?
Vääldi ohtâvuođâ Kelan, jis tust láá koččâmušah torjuin, maid Kela máksá. Tun puávtáh suáittiđ palvâlemnumerân 020 692 210.
Vääldi ohtâvuođâ pargolâšvuotâpalvâlussáid, jis tuu koččâmuš kuáská
- almottâtmân pargo-occen
- pargouuccâmkenigâsvuotân
- pargovyeimipoolitlii ciälkkámušân
- pargottesvuotâtorjuu karensân
- pargo kavnâm ovdedeijee palvâlussáid.
Tun kaavnah jieijâd kieldâ pargolâšvuotâpalvâlusâi ohtâvuotâtiäđuid Työmarkkinatori-siijđoin (tyomarkkinatori.fi, suomâkielân). Tun puávtáh meid suáittiđ väldikodálii pargottes ulmui ravviimân: 0295 020 701.