Kela torjuuh pargottes ulmui | Anarâškielâ | KelaMoonâ siskáldâsân

Kela torjuuh pargottes ulmui

Pargottesvuotâ vyeleed puáđuid. Tun puávtáh finniđ pargottesvuotâtorjuu Kelast, jis tust ij lah pargosaje jiehke tun finnii pargottesvuotâtorjuu eres soojijn.

Kela torjuuh pargottesvuotâááigán láá

  • pargottesvuotâpeiviruttâ
  • pargomarkkântoorjâ.

Pargottesvuotâtorjuuh máksojeh ulmuid, kiäh ääsih fastâ Suomâst. Sii lasseen pargottesvuotâtorjuuh máksojeh EU-enâmijn puáttám ulmuid, kiäh láá majemustáá porgâm Suomâst.

Täärhist meid, ete puávtáh-uv finniđ eres torjuid, ovdâmerkkân aassâmtorjuu.

Jis tun páásáh pargotteemmin

Jis tun páásáh pargotteemmin, te almottât vistig pargottes pargo-occen pargo- já iäláttâstoimâttâhân ađai PI-toimâttâhân.

Pargottesvuotâtorjuuh máksojeh tuše ääigist, kuás tun lah pargo-occen PI-toimâttuvâst. PI-toimâttâh meid addel Kelan ciälkkámuš tast, ete pyehtih-uv mäksiđ tunjin torjuu.

Pargottesvuođâ ääigi tust lii kenigâsvuotâ uuccâđ aktiivlávt pargo. Tun koolgah meid väldiđ vuástá fallum pargo tâi škovlim. Tast ij pyevti piettâliđ sujâttáá, mudoi čuávumuššân puáhtá leđe torjui monâttem.

Mušte toollâđ tuu pargouuccâm vyeimist. Tot tahhoo PI-toimâttuv nettiášástâllâmpalvâlusâst (tyomarkkinatori.fi, suomâkielân).

Pargolâšvuođâ kieldâkeččâlem

Uási pargottes pargo-occein uásálisteh pargolâšvuođâ kieldâkeččâlmân. Kieldâkeččâlmist päikkikieldâ iššeed pargo tâi škovlim kavnâmist. Tun finniih pargo-occen almottâttâm maŋa tiäđu tast, hoittáá-uv tuu aašijd tuu päikkikieldâ vâi PI-toimâttâh.

Nubástustorvoruttâ paijeel 55-ihásáid

Nubástustorvoruttâ lii toorjâ, mon tun puávtáh finniđ Kelast tâi pargottesvuotâkassaast, jis tun lah celkkum luovâs jieijâs pargoost. Nubástustorvoruuđâ tárguttâs lii išediđ tuu uđđâ pargosaje kavnâmist. Ton meeri lii siämmáš ko suulân oovtâ mánuppaje pälkki.

Tun puávtáh finniđ nubástustorvoruuđâ, jis puoh taah iävtuh olášuveh:

  • Tun lah tiävdám 55 ihheed.
  • Tun lah celkkum luovâs jieijâs pargosaajeest puovtâdâslij já ekonomâlij suujâi tiet.
  • Tun lah porgâm siämmáá pargosaajeest ucemustáá 5 ive.

Jis tun kuulah pargottesvuotâkaasan, te uusâ nubástustorvoruuđâ jieijâd pargottesvuotâkassaast. Jis tun jieh kuulâ pargottesvuotâkaasan, te uusâ nubástustorvoruuđâ Kelast.

Pargottesvuotâääigi almottâs

Jis pargottesvuotâäigi juátkoo, te tun koolgah toimâttiđ Kelan pargottesvuotâááigán kyeskee almottâs 4 oho kooskâi. Kela máksá tunjin torjuu tuu almottâs vuáđuld.

Pargottesvuotâääigi almottâs tun puávtáh rähtiđ viermist tâi luámáttuvâiguin, maid tun puávtáh printtiđ Kela viermisiijđoin tâi uuccâđ Kela toimâttuvâin.

Merkkii almottâsân, ete mon peeivi tun lah lamaš pargottem já mon peeivi lah uásálistám PI-toimâttuvváin soppum tooimân.

Jis tun lah pargottesvuotâääigi lamaš tyellittälli pargoost, te merkkii almottâsân, ete mon peeivi tun lah lamaš pargoost.

Luuvâ lase

Mon mielâst tun lah sijđoost?