Keesi puáhtá nubástusâid Kela palvâlemsoojij ávusorroomaigijd já eres palvâlussáid

Keessiv Kela-aašijd kannat hoittáđ älkkeht MuuKelast tâi Kela puhelinpalvâlusâst. Maaŋgâi Kela palvâlemsoojij ávusorroomääigih muttojeh keesi ááigán.

Kela palvâlemsoojij kesiávusorroomääigih puátih vuáimán muddo häävild vyesimáánu tâi kesimáánu rääjist já toh noheh majemustáá 30.9.2024.

Ääigi tääsist orroo ávusorroomaaigijd kannat tärhistiđ čujottâsâst www.kela.fi/palvelupisteet (suomâkielân). Tun puávtáh meid keččâđ sierâ listo Kela palvâlemsoojij ávusorroomaaigijn keessiv 2025 (pdf, suomâkielân). Eres palvâlemsoojij ávusorroomääigih iä muttuu. Ääigiväärridmáin áávus orroo palvâlemsoojijd tun puávtáh väridiđ ääigi Kela puhelinpalvâlusâst (suomâkielân).   

Hoittáá Kela-ašijdâd älkkeht neetist tâi puhelimist 

Tun puávtáh hoittáđ iänááš uási jieijâd Kela-aašijn älkkeht neetist. MuuKelast (OmaKelast) tun puávtáh ovdâmerkkân:

• uuccâđ torjuid
• tärhistiđ miärádâs, mon lah finnim
• keččâđ torjuu máksupeeivi
• toimâttiđ lahtosijd.

Kela nettisiijđoin chattirooboot rävvee pirrâmpeeivi. Chatrooboot vievâst tun finniih iše eereeb iärrás aašijn, moh lohtâseh áigápuátutorjui, almos aassâmtorjui, uápputorjuid já peerâhiäđoid. MuuKela chat palvâl meid keessiv argâpeeivij tme 12–15.30. Tun kaavnah äigikyevdilis tiäđuid Kela palvâlusâin já hiäđuin keessiv meid Facebookist já Instagramist.

Jis tun jieh kaavnâ vástádâs jieijâd áášán neetist, te tun puávtáh suáittiđ Kela puhelinpalvâlusân. Puhelinpalvâlus lii áávus keessiv vuossaargâst vástuppiäiván tme 9–16, mutâ jonsahpeiviááptu 20.6. puhelinpalvâlus lii kiddâ. Puhelimist tun puávtáh hoittáđ siämmáid persovnlijd aašijd ko palvâlemsaajeest-uv.

Kela puhelinpalvâlusân puáhtá tubdâttâttâđ muuneeld MuuKela peht. Tubdâttâttâm huáput ášástâllâm, ko Kela äššitobdee uáiná äššigâstiäđuid tállán, ko västid puhelimân. Kelan puáhtá suáittiđ meid tubdâttâthánnáá, kuás äššigâs tobdeh puhelimist eres vuovvijn.

MuuKelast puáhtá kyeđđiđ suáittutáttum suomâ-, ruotâ- tâi eŋgâlâskielâlii puhelinpalvâlusân. Suáittutáttum puáhtá kyeđđiđ siämmáá tâi čuávuváá argâpiäiván. Kela äššitobdee suáittá äššigâsân tijmepele keejist väljejum ääigist.

Sämikielâliih palvâlusah kesipaajeest

• Nuorttâlâškielâlâš puhelinpalvâlus: Áávus tuorâstuvâi tme 9–11 numerist 020 634 4795. Palvâlus lii kiddâ 2.6.–13.6.2025 já 14.7.–1.8.2025.
• Tavesämikielâlâš puhelinpalvâlus: Tuáistáážân kiddâ.

Sämikielâliih äššigâsah pyehtih kyeđđiđ meid ohtâvuođâväldimtáttum šleđgâpostâčujottâsân saame@kela.fi.

Maht mun hoittáám Kela-ašijdân, jis aldemus palvâlemsaje lii kiddâ?

Jis tun jieh pyevti hoittáđ jieijâd ääši neetist tâi puhelimist já aldemus Kela palvâlemsaje lii kiddâ, tun puávtáh finniđ iše Kela-aššijd meid eres saajeest.

• Ášástâllâmsajeh já eres palvâlemsajeh: Maaŋgâin päikkikuudijn láá virgeomâhái ohtsiih ášástâllâmsajeh, main adeluvvoo almos ravvim Kela-aašijn. Kela-aašijn finnee ravvim meid maaŋgâin Ohjaamoin, aldatorijn (suomâkielân lähitori) já palvâlemkuávdáin.
• Kela káiduspalvâlus: Maaŋgâin päikkikuudijn lii fáállun Kela káiduspalvâlus, mon vievâst tun puávtáh savâstâllâđ Kela pargein video-ohtâvuođâ peht. Káiduspalvâlus fáálá siämmáálágán ravvim ko Kela jieijâs palvâlemsajeh.
• Pävirpoostâ vuolgâttem: Tun puávtáh toimâttiđ äššikiirjijd já eres Kela-aašijd pävirpostân čujottâsân: Kela, PL 10, 00056 KELA.

Luuvâ lase