Uáppáásm uáppee hiäđoid sämikielân
Kela lii almostittâm ive 2023 Uáppeeh já viärjukenigâsah - tieđettempááppár. Tieđettempäävir muštâl meiddei sämikielân, maht Kela tuárju uáppeid já suátivievâ teikkâ siviilpalvâlus leijee ulmuid sehe maht uuccâđ hiäđuid.
Kela almostit jyehi kalenderive käävci eellimtilekuáhtásâš hiätutieđettempááppár. Tain čiččâm lii almostum jo algâivveest. Tääl lii almosittum meiddei majemuš tieđettempäävir Uáppeeh já viärjukenigâsah. Siämmást lii peividum tieđettempááppár sämi- eŋgâlâš-, já ruošâkielâ versioh.
Kela čielgâkielâlâš hiätutieđettempäävir čáittá puoh uáppei já viärjukenigâsâi hiäđuid čielgâsuomâkielân já čielgâruotâkielân. Tieđettempäävir muštâl, maht Kela tuárju uáppeid já suátivievâ teikkâ siviilpalvâlusâst leijee ulmuid sehe maht uuccâđ hiäđuid. Älkkeht iberdettee tieđettempäävir heivee puoh Kela äššigâssáid.
Tieđettempápárân lii peividum uđđâ hiätusuumijd já eres ive 2023 hiätunubástusâid. Peividem ohtâvuođâst meiddei Uáppeeh já viärjukenigâsah -tieđettempááppár olgoldâshäämi lii ucánjáhháá uđâsmittum já visuaallâš häämi lii rahtum eenâb čielgâsubbon.
Uáppeeh já viärjukenigâsah -tieđettempááppár sämikielâ pdf-nettiversioid puáhtá uápásmuđ kela.fi-siijđost. Tieđettempápárij nettiversioin lii valdum huámmášumán juksâmvuotâvátámušah, te laađđâm luhostuvá pyereest meiddei ruuvdulohhein.
Uáppee já viärjukenigâs hiäđuin puáhtá luuhâđ sämikielân meiddei Kela sämikielâ nettisiijđoin.
Oovtâstpargokyeimih pyehtih tiiláđ tieđettempápárijd Kelast
Čielgâkielâ tieđettempápárijd finnee Kela palvâlem- já ášáštâllâmsoojijn. Kela vuolgât čielgâsuomâkielâ- já čielgâruotâkielâ tieđettempápárijd jieijâs palvâlemsoojij lasseen meiddei oppâlájádâssáid.
Oovtâstpargokyeimih pyehtih tiiláđ čielgâkielâ tieđettempápárijd já tai sierâ kielâversioid sehe eres Kela teddilum tieđettempápárijd šleđgâpostáin Kela luámáttáĥvuárhást čujottâsâst lomakevarasto@kela.fi. Ucemus tiilámmeeri lii 100 stukkâd/vuolgâttâs.
Sämikielâ tieđettempápárijd puáhtá tiiláđ šleđgâpostáin čujottâsâst saame@kela.fi. Sämikielâ tieđettempápáreh vuolgâttuvvoo táárbu mieldi meiddei ucemus tiilámmere ucceeb meeri.