Nube peeleest ášástâllâm MuuKelast
Tun puávtáh ášástâllâđ MuuKelast nube ulmuu peeleest, jis tun lah olesahasâš já
- nubbe olesahasâš olmooš lii váldásmittám tuu hoittáđ suu Kela-aašijd
- tun lah vyeliahasii párnáá huolâtteijee.
Vyeliahasii párnáá peeleest ášástâllâm MuuKelast
Huolâtteijee puáhtá hoittáđ MuuKelast motomijd suu vyeliahasii párnáá aašijd.
MuuKelast huolâtteijee puáhtá suu vyeliahasii párnáá peeleest
- tärhistiđ kieđâvuššâmnáál orroo aašijd
- čuávvuđ tai ovdánem
- uáiniđ puáttee máávsuid
- uuccâđ motomijd hiäđuid já vuolgâttiđ tárbulijd lahtosijd
- uáiniđ miärádâsâid já eres äššikiirjijd
Huolâtteijee ij táválávt taarbâš sierâ váldásmittem, ko sun ášástâl jieijâs vyeliahasii párnáá peeleest. Luuvâ, maggaar tiileest huolâtteijee taarbâš váldásmittem (suomi.fi, suomâkielân).
Luuvâ lase vyeliahasii párnáá peeleest ášástâlmist nuubijn palvâluskanavijn.
Olesahasii peeleest ášástâllâm MuuKelast
Nube olesahasii ulmuu peeleest ášástâllâm lii uásild máhđulâš MuuKelast.
MuuKelast puáhtá olesahasii ulmuu peeleest
- tärhistiđ kieđâvuššâmnáál orroo aašijd
- čuávvuđ tai ovdánem
- uáiniđ puáttee máávsuid
- uuccâđ motomijd hiäđuid tâi vuolgâttiđ ucâmušâid
- uáiniđ miärádâsâid já eres äššikiirjijd.
Hiäđukoccee ij pyevti ášástâllâđ suu uáiviulmuu peeleest MuuKelast. Jis uáiviolmooš lii ovdil váldásmittâm nube ulmuu hoittáđ ašijdis, te taah váldásmitmeh noheh, ko sunjin meriduvvoo hiäđukoccee. Luuvâ lase hiäđukoccee ášástâlmist.
Luuvâ lase nube peeleest ášástâlmist nuubijn palvâluskanavijn.
Suomi.fi-váldásmittem neetist ášástâlmân
Nube peeleest ášástâllâm váátá ain tom, ete olesahasâš olmooš váldásmit nube olesahasii ulmuu hoittáđ jieijâs aašijd. MuuKelast ášástâllâm várás äššigâs kalga adeliđ nube ulmui Suomi.fi-váldásmittem, mon nommâ lii Sosiaaliturvan etuusasioiden hoitaminen (Sosiaaltorvo hiätuaašij hoittám). Suomi.fi-váldásmittem kuáská puoh Kela-aššijd, ađai tom ij pyevti raijiđ tuš tiätuaššijd.
Moonâ adeliđ váldásmittem Suomi.fi-palvâlusâst (suomâkielân).
Luuvâ lase