Pargomarkkântoorjâ | Anarâškielâ | KelaMoonâ siskáldâsân

Pargomarkkântoorjâ

Jis tun jieh pyevti finniđ tienâspeiviruuđâ tâi vuáđupeiviruuđâ, te tunjin puáhtá mäksiđ pargomarkkântorjuu. Tom puáhtá finniđ 18–64-ihásâš pargottes pargo-occee, kote áásá fastâ Suomâst. Pargomarkkântorjuu äigi ij lah räijejum.

Tun finniih pargomarkkântorjuu, veikâ jieh teevdi pargoostorroomiävtu ađai jieh lah lamaš pargoost tuárvi kuhháá. Tun finniih pargomarkkântorjuu meid talle, ko tun lah finnim tienâspeiviruuđâ tâi vuáđupeiviruuđâ 400 peivid.

Pargomarkkântoorjâ ij maksuu olgoenâmáid.

Pargomarkkântorjuu finniimân láá raijiittâsah, jis tun lah vuálá 25-ihásâš tâi jis tust ij lah áámmátlâš škovlim. Täärhist PI-toimâttuvâst, ete puávtáh-uv tun finniđ pargomarkkântorjuu.

Luuvâ lase pargomarkkântorjuu ucâmist (suomâkielân).

Mon ennuv pargomarkkântorjuu finnee?

Pargomarkkântoorjâ lii 37,21 eurod peeivist já tot máksoo 5 peeivist ohhoost. Pargomarkkântoorjâ lii talle siämmáá styeres ko vuáđupeiviruttâ já meid tast mana viäru.

Puávtáh finniđ vuáđupeiviruutân aledemuási, jis tust láá päärnih tâi jis tun uásálistáh PI-toimâttuvváin soppum tooimân. Aledemuásih láá siämmáá styres ko vuáđupeiviruuđâst.

Pärnialedem ij maksuu innig 1.4.2024 rääjist.

Pargomarkkântoorjâ iärrán vuáđupeiviruuđâst tienuuvt, ete vaanhimij puáđuh pyehtih vaiguttiđ torjuu miärán.

Eres puáđuh vyeledeh pargomarkkântorjuu

Puoh tuu jieijâd puáđuh vyeledeh pargomarkkântorjuu mere.

Jis tust láá omâdâhpuáđuh, meid toh vyeledeh torjuu mere. Omâdâhpuáđuh láá ovdâmerkkân láigupuátu, uásuspuátu já vyebdimvuáittu.

Jieijâs omâdâhpuáđuh iä kuittâg vaaigut pargomarkkântorjui

  • jis tun lah tiävdám 55 ihheed já tuu pargoost orroom iähtu lii olášum ovdil ko tun paaccih pargotteemmin
  • jis tun uásálistáh PI-toimâttuvváin soppum tooimân.

Vaanhimij puáđuh vyeledeh torjuu, jis tun aasah sunnuin. Tun finniih kuittâg ain ucemustáá pele tuu pargomarkkântorjust. Vaanhimij puáđuh iä vaaigut, jis tun uásálistáh PI-toimâttuvváin soppum tooimân.

Maaŋgah torjuuh iä vaaigut pargomarkkântorjui. Toh láá ovdâmerkkân pärnilase, elettemiše, áigápuátutoorjâ, aassâmtoorjâ já vádulijtoorjâ.

Tun puávtáh rekinistiđ Kela nettisiijđoin, ete mon ennuv tun finniih pargomarkkântorjuu (suomâkielân).

Sijđo lii peividum 8.2.2024

Mon mielâst tun lah sijđoost?