Teâtt kääzzkõõzzâst | KelaSirddu siiskõʹsse

Teâtt kääzzkõõzzâst

Kela.fi-neʹttkääzzkõõzz jurddjen lij čiõʹlǧǧeed meerlaid, måkam tuärjjõõzz da mâiʹd ouddõõzzid Kela taʹrjjad jeeʹres jieʹllempooddin. Kela.fi kääzzkâstt še reâugguʹvddjid, kuõiʹmid da jeärrsid čõõnâsjooukid.

Kelast tuejjeemnalla åårrai ouddõstuʹmmstõõǥǥ vuâđđâʹvve pâi lääʹjjšiõttummša jie-ǥa tän neʹttkääzzkõõzz siiskõʹsse. Põrggâp kuuitâǥ tõõzz, što neʹttkääzzkõõzz siiskõs lij pâi ääiʹj tääʹzzest. Seeid vueʹllruõbdâst åårrai peiʹvvmieʹrr iʹlmmat, kuäʹss neʹttseidd lij mââimõs vuâra peeiʹvtum.

Peäggtep pueʹrmõõzz mieʹldd čiõlgg ǩiõʹlle sosiaalstaanâst da tõn kuõskki lääʹjjšiõttummšest, kååʹtt täujja lij määŋgmåkksaž. Seiddõõzzâst jeäʹt mõnnu tääʹrǩben pukid ouddõõzz vuäǯǯmõʹšše da ooccmõʹšše kuulli aaʹššid leʹbe tõi jiiʹjjesnallšem vuõʹjjid. Jõs tuʹst äʹšš lij määŋgmåkksaž, vääʹld õhttvuõđ mij äʹššneǩ-kääzzkõʹsse. Vuäitak še haaʹleemad mieʹldd tobdstõõttâd Kela ouddõsvuäppõõzzid (lääddas da ruõccâs).

Ouddõõzzid kuõskki lääʹjjšiõttummuš lij valmštõllum eeʹttiǩ-kååʹddest da riikksuåvtõõzzâst. Kela tuâjjan lij lääʹjjšiõtteem toimmupiijjmõš.

Meâlddõsteâttõõzz

Mij neʹttkääzzkõʹsse liŋkkuum teâttõõzz lie jäänmõsân pdf-teâttõõzz. Tõi lookkmõš ooʹnnast plaađnjin leʹbe jiiʹjjes-i pdf-lookkâmprograammin. Ouddmiârkkân määusteʹmes Adobe Reader (get.adobe.com) suäpp lookkmõʹšše.

Tuõʹllʼjummuš da ooudâsviikkmõš

Neʹttkääzzkõõzz õõudâsviikkmõõžžâst da tuõʹllʼjummšest vaʹsttad Kela saaǥǥtemjuâǥǥas. Jõs haaʹlääk uʹvdded takai maacctõõzz mij neʹttkääzzkõõzzâst, vuäitak vuõltteed sääʹmǩiõllsaž maacctõõzz Kela sääʹmǩiõllsaž kääzzkõʹsse: saame@kela.fi. Jõs tuʹst maacctõs kuâskk tiõttum neʹttseeid leʹbe tõn siiskõõzz, vuäitak uʹvdded seeid kuõskki maacctõõzz puåluin, kååʹtt käunnai seeidai vueʹllruõbdâst pääiʹǩest ”Mõõn miõl leäk seeidast?”.

Raajjivuõiggâdvuõđ

Neʹttkääzzkõõzz raajjivuõiggâdvuõđ da jeeʹres vuõiggâdvuõđ koʹlle Kela vuäʹmstummša. Täʹst huõlǩâni õõʹnni vääʹldest lij äuʹǩǩeed kela.fi siiskõõzzid, ǥu pâi iʹlmmat kääiv da âânn huõl jiiʹjjes seeidai tuõʹllʼjummšest. Tuu vääʹldest lij še liŋkkeed Kela seeidaid.

Looǥǥ lââʹzz