Asiointipalveluissa voi esiintyä käyttökatkoja 27.9. klo 23–4 Lisätietoja
Asiointipalveluissa käyttökatko 1.10. klo 6–20 – myös kela.fissä voi esiintyä katkoja Lisätietoja
OmaKelassa pdf-asiakirjojen lataamisessa voi esiintyä käyttökatkoja 27.9. klo 22.30 – 28.9. klo 07.00 Lisätietoja
Kela doarjagat bargguheapmái
Sáhtát oažžut bargguhisvuođadoarjaga Kelas, juos dus ii leat bargu itge oaččo eará bargguhisvuođadoarjaga.
Kela doarjagat bargguhisvuođaáigge leat
- vuođđobeaiveruhta
- bargomárkandoarjja.
Kela máksá bargguhisvuođadoarjagiid olbmuide, geat ásset Suomas fásta. Dan lassin bargguhisvuođadoarjagat máksojuvvojit EU-riikkain boahtán olbmuide, geat leat maŋimužžan bargan Suomas.
Dárkkis maiddái, sáhtátgo oažžut eará Kela doarjagiid, ovdamearkka dihte ássandoarjaga.
Juos bázat bargguheapmin
Juos bázat bargguheapmin, almmut iežat dakkaviđe bargguhis bargguohccin bargo- ja ealáhusdoaimmahahkii dahjege BE-doaimmahahkii. Bargguhisvuođaovddut máksojuvvojit dušše áiggis, go leat bargguohccin BE-doaimmahagas. BE-doaimmahat addá maiddái Kelai cealkámuša das, sáhttágo dutnje máksit doarjaga.
Bargguhisvuođa áigge dus lea geatnegasvuohta ohcat aktiivvalaččat barggu. Fertet maiddái váldit vuostá fállojuvvon barggu dahje skuvlema. Das ii sáhte biehttalit siva haga, muđuid sáhttá massit doarjagiid.
Muitte doallat bargguohcama fámus. Dan sáhttá dahkat BE-bálvalusaid áššiiddikšunbálvalusas (mol.fi, suomagillii).