Maid iäláttuvâid puávtáh uážžuđ?

Iäláttuvâid puáhtá uážžuđ pargoiäláttâhlájádâsâin já Kelast. Pargoiäláttâhlájádâsah mäksih pargoiäláttuv. Tot vuáđuduvá páálkán já eres pargopuáđoid. Jis pargoiäláttuv lii ucce, te tun puávtáh uážžuđ iäláttuv meid Kelast.

Pargoiäláttâhlájádâsah já Kela mäksih iäláttuvâid kuulmâ sierâlágán tiileest. Tun puávtáh uážžuđ iäláttuv, ko tun juuvsah iäláttâhave. Ovdil iäláttâhave tun puávtáh uážžuđ iäláttuv pargonavcâttesvuođâ tâi pargottesvuođâ vuáđuld. Toos lasseen tun puávtáh uážžuđ peerâiäláttuv, jis tuu omâháš jáámá.

Iäláttuv lasseen tun puávtáh uážžuđ Kelast

  • pärnialedem
  • iäláttâhuážžoo aassâmtorjuu
  • iäláttuv uážžoo tipšotorjuu
  • suátišiljolase já paijeelmiärálâš suátišiljolase
  • vuáđuáigápuátutoorjâ.

Pargoiäláttâh

Váldu-uási iäláttuvâin láá pargoiäláttuvah. Pargoiäláttâh čoggâšuvá, ko tun lah pargoost já uážuh päälhi.

Pargoiäláttuvâid hoittájeh pargoiäláttâhlájádâsah, moh láá maaŋgah. Tun já tuu pargoadeleijee leppee máksám tuu pargoiivij mield pargoiäláttâhmáávsuid. Tuu iäláttuv meeri meriduvvoo tađe mield, ete mon ennuv tun lah ánsášâm pargokarrieer ääigist.

Priivaat irâtteijee lii máksám iäláttâhmáávsuid iäláttâhfinnodâhân, mon sun lii valjim. Eennâmtuáluirâtteijee lii máksám iäláttâhmáávsuid suu jieijâs iäláttâhlájádâsân, Melan.

Tun uážuh tiäđu pargoiäláttuvâin

Maht puávtáh uuccâđ iäláttuv?

Táválávt puávtáh uuccâđ sehe pargoiäláttuvâid já Kela mäksim iäláttuvâid já tiätu olgoenâmij iäláttuvâid siämmáá luámáttuvâiguin teikâ viermist.

Kela puárásijiäláttuv já táhádâsiäláttuv puávtáh uuccâđ meid njálmálávt puhelimist tâi Kela toimâttuvâst. Puávtáh meid koijâdiđ lase palvâlemnumerist 020 692 202.

Luuvâ lase