Ereslágán iäláttuvah
Iäláttuv puáhtá finniđ maaŋgâ eellimtiileest. Iäláttuvâid mäksih pargoiäláttâhlájádâsah já Kela.
Tun puávtáh finniđ iäláttuv, ko tun šoodah iäláttâhahan. Ovdil iäláttâhave tun puávtáh finniđ iäláttuv pargonavcâttesvuođâ tâi pargottesvuođâ vuáđuld. Toos lasseen tun puávtáh finniđ peerâiäláttuv, jis tuu omâhâš jáámá.
Maid iäláttuvâid tun puávtáh finniđ?
Iäláttuvâid puáhtá finniđ pargoiäláttâhlájádâsâin já Kelast. Pargoiäláttâhlájádâsah mäksih pargoiäláttuv. Tot vuáđuduvá páálkán já eres pargopuáđoid. Jis pargoiäláttuv lii ucce, te tun puávtáh finniđ iäláttuv meid Kelast.
Pargoiäláttâhlájádâsah já Kela mäksih iäláttuvâid kuulmâ sierâlágán tiileest. Tun puávtáh finniđ iäláttuv, ko tun juuvsah iäláttâhave. Ovdil iäláttâhave tun puávtáh finniđ iäláttuv pargonavcâttesvuođâ tâi pargottesvuođâ vuáđuld. Toos lasseen tun puávtáh finniđ peerâiäláttuv, jis tuu omâháš jáámá.
Vyelni orroo kován láá nurrum iäláttuvah já ton muulsâiävtuh sierâ tiilijn.
Iäláttuv lasseen tun puávtáh finniđ Kelast
- pärnialedem
- iäláttuvfinnejeijee aassâmtorjuu
- iäláttuvfinnejeijee tipšotorjuu
- radostâhlase já paijeelmiärálâš radostâhlase
- vuáđuáigápuátutoorjâ.
Pargoiäláttâh
Váldu-uási iäláttuvâin láá pargoiäláttuvah. Pargoiäláttâh čoggâšuvá, ko tun lah pargoost já finniih päälhi.
Pargoiäláttuvâid hoittájeh pargoiäláttâhlájádâsah, moh láá maaŋgah.
Tun já tuu pargoadeleijee leppee máksám tuu pargoiivij mield pargoiäláttâhmáávsuid. Tuu iäláttuv meeri meriduvvoo tađe mield, ete mon ennuv tun lah ánsášâm pargokarrieer ääigist.
Priivaat irâtteijee lii máksám iäláttâhmáávsuid iäláttâhfinnodâhân, mon sun lii valjim. Eennâmtuáluirâtteijee lii máksám iäláttâhmáávsuid suu jieijâs iäláttâhlájádâsân, Melan.
Tun finniih tiäđu pargoiäláttuvâin
- tuu jieijâd pargoiäláttâhlájádâsâst
- Iäláttâhtorvokuávdáást (Eläketurvakeskus)
- neetist tyoelake.fi-siijđoin (suomâkielân).
Uusâ iäláttuv meid olgoeennâm pargoost
Uusâ iäláttuv meid olgoeennâm pargoost Olgoenâmijn aassâm já porgâm pyehtih vaiguttiđ aalmugiäláttâhân já peerâiäláttâhân. Jis tun lah aassâm tâi porgâm olgoenâmijn, te tun puávtáh finniđ iäláttuv porgâmriijkâst. Leskâ puáhtá finniđ peerâiäláttuv enâmist, kost jáámmám pelikyeimi lii porgâm.
Tiätu olgoeennâm iäláttuvâid puáhtá uuccâđ siämmáin luámáttuvváin ko Suomâ iäláttuvâid.
Mušte tevdiđ já lahteđ ucâmušân meid U-lahtosluámáttuv, mon nommâ lii Lahtos U - Aassâm já porgâm olgoenâmijn, Liite U - Asuminen ja työnteko ulkomailla. Tot annoo iäláttâhucâmuš lahtosin ain, jis tun lah aassâm, porgâm tâi oppâm olgoenâmijn.
Maht puávtáh uuccâđ iäláttuv?
Uusâ iäláttuvâid já eres torjuid neetist. Tun puávtáh uuccâđ iäláttuv tâi torjuu meid luámáttuvváin, mon tun finniih Kela toimâttuvâin já nettisiijđoin.
Pärnialedem, leskâiäláttuv já pärni-iäláttuv tun puávtáh uuccâđ Kelast tuše pááppárluámáttuvváin.
Tun puávtáh vuolgâttiđ luámáttuv Kelan poostâ peht tâi väldiđ tast kove já vuolgâttiđ tom neetist Iäláttâhucâmuš puáhtá toimâttiđ meid mon peri iäláttâhlájádâsân.
Kela puárásijiäláttuv já táhádâsiäláttuv tun puávtáh uuccâđ meid njálmálávt puhelimist tâi Kela toimâttuvâst.
Uusâ puárásijiäláttuv muádi mánuppaje ovdil, ko lah päcimin iäláttâhân.
Kela puáhtá mäksiđ iäláttuvâid maajeeldkietân enâmustáá 6 mánuppaje ääigist.
Tun puávtáh pivdeđ arvâlus iäláttuvâst muuneeld
Jis tun halijdah selvâttiđ muuneeld, ete puávtáh-uv finniđ aalmugiäláttuv, tun puávtáh pivdeđ árvuštâllâm Kelast. Palvâlemnummeer lii 020 692 202.
Tun finniih árvuštâllâm meid tast, puávtáh-uv finniđ táhádâsiäláttuv.
Kela finnee tuu pargoiäláttâhlájádâsâst tiäđu tast, mon ennuv tunjin lii čoggâšum pargoiäláttâh.