Táhádâsiäláttâh | Anarâškielâ | KelaMoonâ siskáldâsân

Táhádâsiäláttâh

Kela máksá tunjin táhádâsiäláttuv, jis tuu eres iäláttuvah pääcih uáli uccen tâi jis tun jieh finnii monnân eres iäláttuv.

Tuše Suomâst ässee iäláttâhlâš puáhtá finniđ táhádâsiäláttuv. Tom puáhtá finniđ, ko lii aassâm Suomâst ucemustáá 3 ive. Táhádâsiäláttuv oles meeri lii suullân 977 eurod mánuppaajeest. Jis tun jieh finnii maiden eres iäláttuvâid, te tun finniih oles táhádâsiäláttuv.

Táhádâsiäláttâh lii kuittâg ucceeb, jis tun lah uuccâm ovdil iäláttâhave toledum puárásijiäláttuv. Lii máhđulâš, ete tun jieh talle finnii táhádâsiäláttuv. Táhádâsiäláttuv kepideh meid eres iäláttuvah, maid tun finniih. Toh kepiduvvojeh ollásávt oles táhádâsiäláttuvâst.

Táhádâsiäláttuv ij keeppid ovdâmerkkân tipšotoorjâ, aassâmtoorjâ, pargopuáđuh, omâdâh tâi pelikyeimi omâdâh. Jis tun finniih pargonavcâttesvuotâiäláttuv, tuu pargopuáđuh pyehtih kuittâg vaiguttiđ táhádâsiäláttâhân.

Peerâkoskâvuođah iä vaaigut táhádâsiäláttuv miärán.

Koijâd Kela palvâlemnumerist, maht olgoenâmijn aassâm vaaigut táhádâsiäláttâhân. Palvâlemnummeer lii 020 634 0200.

Luuvâ lase táhádâsiäláttuv ucâmist (suomâkielân).

Luuvâ lase

Sijđo lii peividum 9.2.2024

Mon mielâst tun lah sijđoost?