Kela doarjagat mánnábearrašii

Kela doarjagiin vánhemat sáhttiba leat ruovttus ovttas sudno mánáin su dehálaš vuosttas mánotbajiid áigge. Maŋŋelis Kela buhtte goluid, mat šaddet máná divššus ja mánás.

Gii sáhttá oažžut mánnábearrašiid doarjagiid?

Sáhtát oažžut Kelas mánnábearraša doarjagiid, go gulat Suoma sosiáladorvui ja ásat Suomas fásta. Muhtumin doarjagiid sáhttet oažžut maiddái eará olbmot, juos sii barget Suomas.

Juos leat ássan olgoriikkain dahje leat fárremin olgoriikii, dárkkis Kelas, sáhtátgo oažžut Kela doarjagiid. Fárren Supmii dahje eret Suomas sáhttá váikkuhit Kela doarjagiidda.

Jeara lasi mánnábearraša doarjagiin bálvalannummiris 020 692 206.

Maid doarjagiid mánnábearaš sáhttá oažžut?

Kela doarjagat mánnábearrašiidda leat

  • etniiddoarjja
  • vánhemiidbeaiveruđat
    • etniidruhta
    • sierraetniidruhta
    • áhčiidruhta
    • vánhemiidruhta
  • mánáidruhta
  • mánáiddikšuma doarjagat
    • ruoktodikšodoarjja
    • njuovžilis dikšunruhta
    • priváhta dikšuma doarjja
    • oassedikšunruhta
  • buohcci dahje lámis máná doarjagat
  • ealihandoarjja.

Vánhemiidbeaiveruđat ođasmuvvet

Vánhemiidbeaiveruđaid guoskevaš láhka nuppástuvvá čakčat 2022. Seammas nuppástuvvet Kela doarjagiid namat. Juos du máná rehkenastojuvvon áigi lea 4.9.2022 dahje dan maŋŋá, vánhemiidbeaiveruđat leat

  • áhpehisvuođaruhta
  • sierraáhpehisvuođaruhta
  • vánhemiidruhta.

Dát ođđa doarjagat bohtet etniidruđa, sierraetniidruđa, áhčiidruđa ja boares lága mieldásaš vánhemiidruđa sadjái. Kela máksá doarjagiid boares lága vuođul dušše daidda vánhemiidda, geaid máná rehkenastojuvvon áigi lea ovdal 4.9.2022.

Mánnábearaš sáhttá oažžut maiddái eará doarjagiid

Dárkkis maiddái, sáhtátgo oažžut Kela eará doarjagiid. Eará Kela doarjagat bearrašiidda leat ovdamearkka dihte

  • ássama doarjagat
  • buohccámii gullevaš buhtadusat
  • stuđeantta ja vearjogeatnegasa doarjagat
  • bargguhisvuođadorvu.

Loga lasi