Ohcan ja máksin

Sáhtát ohcat iešguđege doarjagiid Kela áššiiddikšunbálvalusas neahtas. Dárkkis ohcamušas, mat čuvvosat das galget leat mielde. Maiddái čuvvosiid sáhttá doaimmahit Kelai áššiiddikšunbálvalusas neahtas.

Sáhtát ohcat doarjagiid maiddái skoviiguin, maid oaččut Kela siidduin. Oaččut skoviid maiddái Kela doaimmahagain. Juos ozat doarjaga skoviin, sádde dan oktan čuvvosiiguin Kelai. Kela poastačujuhus lea

Kela
PL 10
00056 KELA

Sáhtát doaimmahit measta buot Kela-áššiid maiddái telefovnnain.

Juos leat ohcamin áigáiboahtindoarjaga, oahpásnuva dárkkilut rávvagiidda Kela sámegielat siidduin.

Mearrádus doarjaga máksimis

Go Kela lea gieđahallan du ohcamuša, oaččut ruoktot mearrádusreivve das, oaččutgo doarjaga. Mearrádusas muitaluvvo doarjaga sturrodat, mearrádusa ákkastallamat ja máksinbeaivi. Oaččut mearrádusa maiddái dalle, juos dutnje ii leat mieđihuvvon doarjja.

Go ozat doarjaga sámegielat skoviin, oaččut automáhtalaččat maiddái mearrádusa sámegillii.

Kela máksá doarjaga du báŋkokontui.

Sáhtát dárkkistit máksinbeivviid Kela siidduin (suomagillii).

Almmut, juos du dilli nuppástuvvá

Juos du eallindilli nuppástuvvá, dat sáhttá váikkuhit maiddái daidda Kela doarjagiidda, maid don oaččut. Dakkár nuppástus sáhttá dáhpáhuvvat ovdamearkan ássamis, bearašdilis dahje boađuin.

Muitte fal almmuhit nuppástusain Kelai. Sáhtát dahkat almmuhusa neahtas, telefovnnas dahje doaimmahagas.

Ruovttoluottabearran

Juos Kela máksá dutnje ovddu liiggás boastto dieđuid vuođul, dan gártá bearrat dus ruovttoluotta.

Oza nuppástusa Kela mearrádussii

Sáhtát ohcat nuppástusa Kela mearrádussii. Oaččut mearrádusa mielde rávvaga nuppástusa ohcamii.

Juos dus leat jearaldagat, váldde vuos oktavuođa Kelai.

Skovit