Vieʹǩǩet miʹjjid oouʹdeed Kela

Mâʹst Kela lij tuu miõlâst oʹnnstam? Mii kaiʹbbai oouʹdummuž? Vuäitak uʹvdded miʹjjid maacctõõzz da oouʹdeemeʹtǩǩõõzzid Kela kääzzkõõzzin, ouddõõzzin da tuåimmʼmõõžžâst.

Vuäitak vuõltteed sääʹmǩiõllsaž maacctõõzz Kela sääʹmǩiõllsaž kääzzkõʹsse, saame@kela.fi.

Jõs haaʹlääk iʹlmmted neʹttkääzzkõõzz vââʹjjest leʹbe teeknlaž vaiggâdvuõđâst, vuõlttâd neʹttpååʹšt teeknlaž äʹššneǩtuärjja, tekninentuki@kela.fi.

Kuâskk-a maacctõssad taaks tiʹllʼjummuž leʹbe takssmääʹtǩ?

Uuʹd takssmääʹtǩ leʹbe taaks tiʹllʼjummuž kuõskki maacctõõzz vuõiʹǧǧest tõn kääzzkõspuuʹtʼteeja, ǩeän maacctõs kuâskk leʹbe ǩeäʹst takssmäʹtǩǩ lij tiʹllʼjum.