Mii lii áigápuátutoorjâ? | Anarâškielâ | KelaMoonâ siskáldâsân

Áigápuátutoorjâ

Čuávuváin siijđoin muštâluvvoo vuáđuáigápuátutorjust. Tun puávtáh finniđ tom Kelast, jis tuu puáđuh, omâduvah já eres torjuuh iä pijssáá velttidmettum argâkoloid, tego purrâmušân já asâmân.

Uusâ vistig eres Kela torjuid

Täärhist ovdil áigápuátutorjuu uuccâm, ete puávtáh-uv tun finniđ maidnii Kela eres torjuid, tego aassâmtorjuu tâi pargottesvuotâtorjuid. Kela eres torjuuh láá oovdânpuohtum jieijâs siijđoin.

Vuáđuáigápuátutoorjâ lii uáivildum sijjân, kiäh iä piergii jieijâs palhijn, torjui vievâst tâi eres puáđoin tâi omâduvváin. Tondiet eres torjuid kalga uuccâđ ovdil ko ocá vuáđuáigápuátutorjuu.

Tun puávtáh meid finniđ iše ton pyereestvaijeemkuávlust, kost tun aasah. Pyereestvaijeemkuávlu torjuuh láá ovdâmerkkân tievâsmittee já estee áigápuátutoorjâ. Tun finniih tain lasetiäđu jieijâs pyereestvaijeemkuávlu nettisiijđoin.

Luuvâ lase