Fievridemsyergi jasko sáttá hitodiđ hiäđui kieđâvuššâm – Kela avžuut nettiášástâllâm
Kelan vuolgâttum ucâmušah já lahtoseh sättih maŋanuđ fievridemsyergi jasko keežild. Kela avžuut, ete äššigâsah vuolgâtteh ucâmušâid já lahtosijd OmaKela-nettipalvâlusâst. Jis lahtos tâi lasečielgiittâs maŋanuvá jasko keežild, te Kela viggá njyebžiđ adelum meriääigist.
Auto- já fievridemsyergi Pargeelitto AKT lii almottâm jaskoost, mii uárnejuvvoo 15.–21.2.2023. Postâsyergi pargeelitto PAU tuárju jasko 16.2. rääjist. Jaskoh sättih hitodiđ poostâ jotteem.
Poostâ áárvu mield eereeb iärrás reeivah sättih maŋanuđ jasko keežild maaŋgâid peeivijd tâi joba paijeel oho. Kela äššigâsâi puotâ taat meerhâš tom, ete miärádâsah sättih maŋanuđ, jis äššigâs vuolgât ucâmuš, lahtosijd tâi lasečielgiittâsâid poostâ peht.
Kela avžuut nettiášástâllâm – meid puhelinpalvâlus já palvâlemsajeh išedeh
Veikâ Kela poostâ peht vuolgâttem miärádâsah sättih maŋanuđ jasko keežild, te miärádâsah liijká uáinojeh táválávt OmaKela-nettipalvâlusâst. Meid äššigâsâi vuolgâttem ucâmušâi já lahtosij puáttim Kelan sáttá maŋanuđ, já tondiet lii máhđulâš, ete eromâšávt pargottesvuotâhiäđui já áigápuátutorjuu mäksim maŋanuvá.
Te Kela äššigâsah kannatteh ášástâllâđ vuosâsaajeest OmaKelast, mast joskâ ij vaaigut ášástâlmân. Palvâlusân čáládâttoo siisâ nettipaŋkkitubdâlduvâiguin tâi moobiilvisásmitmáin, já palvâlusâst puáhtá tärhistiđ meid jieijâs ucâmuš kieđâvuššâmtile.
– Iänááš uási Kela äššigâsâin kevttih jo OmaKela. Jis peri lii máhđulâš, te tääl kannat sirdâšuđ hoittáđ jieijâs Kela-aašijd neetist, iätá Kela äššigâsvuotâohtâduv hovdâ Soili Orre.
Kela puhelinpalvâlusâst já palvâlemsoojijn lii táárbu mield toorjâ nettiášástâlmân já išedeh taid äššigâsâid, kiäh iä paste ášástâllâđ neetist.
Kela viggá njyebžiđ
Kela viggá väldiđ čuávdusijn huámmášumán jasko tovâttem maŋanuumijd.
– Mij iberdep Kelast, ete puoh äššigâsah iä paste ášástâllâđ šleđgâlávt. Mij porgâp puoh máhđulii ton oovdân, ete jasko vaikuttâsah iä uhkediččii mii äššigâsâi áigápuáđu, iätá Orre.
Kela čuávu jasko vaikuttâsâid já tieđeet tain äššigâssáid já oovtâstpargokuoimijd.