Pessijááh nubásmiteh Kela palvâlusâi já máávsui äigitaavluid

Pessijái paseh tovâtteh nubástusâid Kela äššigâspalvâlem ávusorroomaigijd sehe hiäđui uuccâm já mäksim äigitavluid. Masa puoh Kela-aašijd puáhtá hoittáđ MuuKelast.

Pessijááh toledeh pargottesvuotâääigi almottempeeivijd já pargottesvuotâtorjuu máksupeeivijd.  Cuáŋuimáánu áigápuátutoorjâ kiergân tilin ovdil pessijái, jis ucâmuš já lahtoseh láá toimâttum Kelan majemustáá 20.3.2026. Skillâtuorâstuv Kela palvâl äššigâsâid tme 13 räi, já áigápuátutorjuu kocceem lii áávus tme 16 räi.

Pargottesvuotâpeeivij almottem já máksupeeivih nubásmeh

Pessijááh toledeh pargottesvuotâääigi almottempeeivijd já pargottesvuotâtorjuu máksupeeivijd.  MuuKelast tâi almottâsluámáttuvâst puáhtá tärhistiđ peeivi, kuás puáhtá kyeđđiđ jieijâs almottâs.

Jis pargottesvuotâääigi almottâs paje nohá 31.3.–1.4.2026  

• almottâs puáhtá macâttiđ 31.3.2026
• ruuđah láá tilist tolemustáá 2.4.2026.

Jis pargottesvuotâääigi almottâs paje nohá 2.4.2026

• almottâs puáhtá macâttiđ 1.4.2026 
• ruuđah láá tilist tolemustáá 7.4.2026.

Jis pargottesvuotâääigi almottâs paje nohá 3.–5.4.2026

• almottâs puáhtá macâttiđ 2.4.2026  
• ruuđah láá tilist tolemustáá 8.4.2026.

Almottâs kannat toohâđ MuuKelast jo macâttempeeivi iđedist, vâi kiergânep kieđâvuššâđ tom nuuvt jotelávt ko máhđulâš.

Pessijái vaikuttâs áigápuátutorjuu ucâmân

Cuáŋuimáánu áigápuátutorjuu majemuš máksupeivi ovdil pessijái lii tuorâstâh 2.4.2026. Toorjâ kiergân talle tilin, jis ucâmuš já puoh tárbuliih lahtoseh láá toimâttum Kelan majemustáá 20.3.2026.

Skillâtuorâstuv Kelast lii huápulii áigápuátutorjuu tarbâšeijeid kocceem puhelinpalvâlusâst já uásist palvâlemsoojijn tme 16 räi. Huápulâš tile puáhtá leđe ovdâmerkkân tot, ete äššigâs taarbâš aakuut máksučonnâsem talkkâsáid teikâ purrâmušverhijd.

Huápulijn tiilijn Kela ávusorroomaaigij ulguubeln puáhtá leđe ohtâvuođâst pyereestvaijeemkuávlu sosiaalpalvâlusân, mii puáhtá kuorâttâllâm mield mieđettiđ estâdeijee áigápuátutorjuu. Aakuut kriisâtiileest pessijâšpoosij ääigi tun puávtáh leđe ohtâvuođâst pyereestvaijeemkuávlu sosiaalkocemân. Ohtâvuotâtiäđuid puáhtá tärhistiđ Suomi.fi-palvelusâst ucâmáin sosiaali- ja kriisipäivystys (sosiaal- já kriisâkocceem) čujottâsâst www.suomi.fi/kartta (suomâkielân).

Äššigâspalvâlem ávusorroomääigih pessijái

Skillâtuorâstuv 2.4.2026 MuuKela chat-äššigâspalvâlem rävvee tme 12–13. Káiduspalvâlus lii áávus tme 9–13. Puhelinpalvâlus palvâl tme 9-13, mutâ áigápuátutorjuu palvâlemnumerân 020 692 207 puáhtá huápulijn tiilijn suáittiđ tme 16 räi. Kela palvâlemnumereh kávnojeh čujottâsâst www.kela.fi/soita-kelaan (suomâkielân).

Kela sämikielâlâš puhelinpalvâlus lii kiddâ skillâtuorâstuv 2.4. Kyeđe ohtâvuotâväldimtáttum čujottâsân saame@kela.fi, jis tun tarbâšah palvâlem sämikielân.

Skillâtuorâstâh vaaigut meid áávus orroo palvâlemsoojij áávus oromân. Áávus orroo palvâlemsajeh maneh kiddâ majemustáá tme 13, mutâ uási kocá huápulii áigápuátutorjuu tarbâšeijei várás tme 16 räi.

Huápulii áigápuátutorjuu keežild koceh čuávuvááh palvâlemsajeh:

• Helsig/Kamppi
• Joensuu
• Jyväskylä
• Kuopio
• Lahti
• Lappeenranta
• Oulu
• Ruávinjargâ
• Tampere
• Turku

Puoh palvâlemsoojij ávusorroomaaigijd já čujottâsâid puáhtá tärhistiđ čujottâsâst www.kela.fi/palvelupisteet (suomâkielân).

Vádulij tulkkumpalvâlus lii skillâtuorâstuv áávus tme 7.30–15 já káiduspalvâlus 9–13. Vádulij tulkkumpalvâlus ohtâvuotâtiäđuh já ávusorroomääigih kávnojeh čujottâsâst www.kela.fi/vammaisten-tulkkauspalvelu-yhteystiedot (suomâkielân).

Kela puhelinpalvâlus, MuuKela chat-äššigâspalvâlem, káiduspalvâlus já palvâlemsajeh láá kiddâ

• kuhesvástuppeeivi 3.4.2026
• pessijâšlávurduv 4.4.2026
• 1. pessijâšpeeivi 5.4.2026
• 2. pessijâšpeeivi 6.4.2026.

Kela persovnäššigâssáid uáivildum ášástâllâmpalvâlusâst ađai MuuKelast puáhtá uuccâđ hiäđuid, vuolgâttiđ lahtosijd já almottiđ nubástusâin jyehi peeivi pirrâ jándur. OmaKelast puáhtá meid tärhistiđ jieijâs ucâmuš tile já hiäđui máksupeeivijd. MuuKelan čáládâttoo nettipaŋkkitubdâlduvâiguin tâi moobiilnanodâssáin.

Kela chatrooboot rävvee torjui ucâmist pirrâ jándur čujottâsâst www.kela.fi já OmaKelast.

Pessijái spiekâsteijee ääigih oovtâstpargokuoimijd

Skillâtuorâstuv 2.4.2026 Kela palvâlemnumereh oovtâstpargokuoimijd maneh kiddâ majemustáá tme 13. Huápulii áigápuátutorjuu äššigâstiilijn palvâlep kuoimijd tme 16 räi. Tuáhtárlinjá lii kiddâ skillâtuorâstuv 2.4. já pessijái maŋa majebaargâ 7.4.

Puoh palvâlemnumereh kuoimijd láá kiddâ 3.–6.4.2026. Kuomij palvâlemnumereh já ášástâllâmpalvâlusah kávnojeh čujottâsâst www.kela.fi/yhteistyokumppanit-asiakaspalvelu (suomâkielân).