Irâtteijee pargopuáđuh | Anarâškielâ | KelaMoonâ siskáldâsân

Irâtteijee pargopuáđuh

Irâtteijen tun koolgah jieš árvuštâllâđ, ete mii lii pargod árvu ruttân. Tun tarbâšah taam árvuštâllâm ađai pargopuáđu jieijâd iäláttâhtáhádâsân, tastko tuu pargopuáđuh vaigutteh iäláttuv miärán. Tuu pargopuátu vaaigut meid toos, mon ennuv tun puávtáh finniđ Kelast torjuid, jis ovdâmerkkân finniih päärni tâi puáccááh. Pargopuáđud vuáđuld Kela meerrid, ete lii-uv tust vuoigâdvuotâ finniđ torjuu, jis tuu pargo nohá.

Lasetiäđuh pargopuáđust láá työeläke.fi-siijđoin (suomâkielân).

Kost Kela finnee tiäđu tuu pargopuáđuin?

Don it dábálaččat dárbbaš almmuhit boađuid Kelai. Kela finnee tiäđu tuu pargopuáđuin njuolgist pargoiäláttâhlájádâsâst, te pijssáá ete tun almottah pargopuáđu toho.

Tust pyehtih leđe meid pälkkipuáđuh, maid tun lah finnim eres saajeest ko jieijâd irâttâsâst. Tuu pälkkipuáđui tiäđuid Kela finnee puáturegisterist.

Jis mij tarbâšep lasetiäđuid tuu puáđuin, te mij pivdep tiäđu tust.

Jis tun finniih eres puáđuid irâttâsâstâd

Motomáid toorjâucâmuššáid Kela taarbâš tiäđu eres-uv puáđuin ko pargo- já pälkkipuáđust. Ovdâmerkkân áigápuátutorjuu ucâmušâst kalga almottiđ irâttâstooimâ puoh puáđuid.

Jis tun uusah Kelast torjuu, te luuvâ ucâmušluámáttuv tárkká. Tast muštâleh, ete moh puáđuid tun koolgah almottiđ Kelan.

Luuvâ lase

Sijđo lii peividum 21.6.2023

Mon mielâst tun lah sijđoost?