Kii lii irâtteijee? | Anarâškielâ | KelaMoonâ siskáldâsân

Kii lii irâtteijee?

Irâtteijee parga pargos jieijâs irâttâsâst. Irâtteijee puáhtá leđe meid jiečânâs áámmáthárjutteijee, kote vuábdá jieijâs mättim.

Irâtteijest ij lah pargoadeleijee, tego pargest lii.

Tehálumos iäru irâtteijee já pargee kooskâst lii iäláttâhtáhádâs. Irâtteijee kalga väldiđ iäláttâhtáhádâs jieš, mutâ pargee iäláttâhtáhádâsâst huolât pargoadeleijee.

Irâtteijeeh láá maaŋgâlágáneh

Irâtteijest puáhtá leđe ovdâmerkkân kävppi tâi raavvâdviäsu. Irâtteijee puáhtá vyebdiđ meid palvâlus, ovdâmerkkân čurgim, tulkkum tâi remontistem. Meid eennâmtuáluirâtteijeeh ađai viljâleijeeh, kuálásteijeeh, puásuituálleeh já mecciomâsteijeeh pyehtih leđe irâtteijeeh.

Irâtteijee puáhtá leđe váldutoimâlâš tâi uálgitoimâlâš. Váldutoimâlii irâtteijest ij lah eres pargosaje ko jieijâs irâttâs. Uálgitoimâlâš irâtteijee parga meid eres pargo tâi jotá uápuid.

Irâtteijee kočoduvvoo keppâirâtteijen, jis sun parga rekigistempalvâlus peht. Rekigistempalvâlusah láá ovdâmerkkân Ukko.fi já OP Kevytyrittäjä.

Freelancer lii irâtteijee, kote parga maaŋgâ toimânpieijei. Freelancereh láá távjá ovdâmerkkân toimâtteijeeh tâi čaittâleijeeh.

Irâtteijest kalga leđe iäláttâhtáhádâs

Jis tun lah irâtteijee já finniih pargostâd tuárvi puáđuid, te tun koolgah väldiđ iäláttâhtáhádâs. Iäláttâhtáhádâs vaaigut ovdâmerkkân tunjin mäksimnáál iäláttâhân já Kela torjuid.

Irâtteijee iäláttâhtáhádâsah láá kyehti sierâlágán:

  • irâtteijee iäláttâhtáhádâs ađai YEL
  • eennâmtuáluirâtteijee iäláttâhtáhádâs ađai MYEL.

MYEL-táhádâs lii uáivildum eromâšávt eennâmtuáluirâtteijeid, kiäin lii piäldu, muorâkärdi teikâ mecci. Meid totkeeh, taaiđâreh já eres išeruuđâ finnejeijeeh väldih MYEL-táhádâs. YEL-táhádâs lii uáivildum puoh eres irâtteijeid.

Meid uálgitoimâlâš irâtteijee, keppâirâtteijee já freelancer kalga väldiđ iäláttâhtáhádâs, jis sun finnee pargoost tuárvi puáđuid.

  • YEL-táhádâs kalga väldiđ, jis YEL-pargopuáttud láá paijeel 9 010,28 eurod ivveest.
  • MYEL-táhádâs kalga väldiđ, jis MYEL-pargopuáttud láá paijeel 4 505,14 eurod ivveest.

Tun finniih iäláttâhtáhádâs jieijâd pargoiäláttâhlájádâsâst. Tun puávtáh selvâttiđ jieijâd pargoiäláttâhlájádâs

Luuvâ lase

Sijđo lii peividum 12.9.2023

Mon mielâst tun lah sijđoost?