Jis tun pálkkááttah pargee | Anarâškielâ | KelaMoonâ siskáldâsân

Jis tun pálkkááttah pargee

Jis tun lah irâtteijee já pálkkááttah pargee, te tust šadda pargoadeleijee.

Pargoadeleijen tun koolgah hoittáđ maaŋgâid aašijd, moh lohtâseh Kela torjuid já sajanmávssoid. Pargoadeleijee kalga

  • almottiđ pargei puáđuid puáturegisterân
  • mäksiđ pargein puácuvuođâtáhádâsmáávsuid
  • orniđ pargeid pargotiervâsvuođâhuolâttâs.

Motomijn tiilijn pargoadeleijee puáhtá finniđ Kelast peiviruuđâ.

Tun puávtáh hoittáđ pargoadeleijee Kela-aašijd ovdâmerkkân puhelimist já pargoadeleijeid uáivildum nettipalvâlusâin. Jis tuu irâttâsâst lii tilitoimâttâh, te tun puávtáh meid sooppâđ, ete tot hoittáá tuu irâttâs Kela-aašijd.

Almoot paalhijd puáturegisterân

Pargoadeleijee kalga almottiđ pargei paalhijd puáturegisterân. Almoot pargei paalhijd puáturegisterân 5 peeivi siste tast, ko lah máksám taid.

Kela finnee puáturegisterist tiäđuid pargei paalhijn. Taid tiäđuid Kela taarbâš talle, ko tot máksá pargeid torjuu ovdâmerkkân puácuvuođâ ääigist.

Määvsi puácuvuođâtáhádâsmáávsuid

Pargoadeleijee kalga mäksiđ pargein puácuvuođâtáhádâsmáávsuid. Tánávt pargoadeleijee uásálist Kela torjui ruttâdmân.

Ornii pargeidâd pargotiervâsvuođâhuolâttâs

Pargoadeleijen tun koolgah orniđ pargeidâd pargotiervâsvuođâhuolâttâs.

Pargotiervâsvuođâhuolâttâs lii kyevtlágán, págulâš já rijjâtátulâš. Pargoadeleijee kalga orniđ muuneeld estee tiervâsvuođâhuolâttâs ađai taggaar tiervâsvuođâhuolâttâs, mii iästá puácuvuođâid muuneeld. Toos kuleh ovdâmerkkân tiervâsvuođâtäärhistmeh.

Lasseen pargee puáhtá orniđ pargeid máhdulâšvuođâ eelliđ pargotiervâsvuođâtuáhtárist, ko sij puáccájeh. Ton ornim lii rijjâtátulâš.

Kela sajanmáksá tuu irâttâsân uási tain koloin, maid pargotiervâsvuođâhuolâttâs ornim toovât.

Kela puáhtá mäksiđ peiviruuđâ tuu irâttâsân

Jis tuu pargee ovdâmerkkân puáccáá tâi finnee päärni já lii tondiet meddâl pargoost, te tuu irâttâs puáhtá finniđ peiviruuđâ Kelast.

Jis tun máávsáh pargeidâd päälhi meddâlorroom ääigist, te Kela puáhtá mäksiđ pargee peiviruuđâ tuu irâttâsân. Jis pargee lii meddâl kuhháá, te irâttâs ij taarbâš innig mäksiđ sunjin päälhi. Ton maŋa Kela máksá peiviruuđâ pargei.

Kela puáhtá mäksiđ irâttâsân ovdâmerkkân puácuvuođâpeiviruuđâ, vaanhimijruuđâ já vajoidittemruuđâ.

Luuvâ lase

Sijđo lii peividum 8.9.2022

Mon mielâst tun lah sijđoost?