Váldegirji | Davvisámegiella | KelaMana sisdollui

Váldegirji

Váldegirjjiin sáhtát fápmudahttit dievasahkásaš olbmo dikšut Kela-áššiidat telefovnna bokte, bálvalanbáikkis ja breavain.

Maid áššiid váldegirjjiin sáhttá dikšut?

Mearrit ieš, maid áššiid váldegirjjiin sáhttá dikšut. Sáhtát addit nuppi olbmui lobi dikšut buot ovdoáššiidat dehe dušše dihto ovddu dehe ášši. Sáhtát ovdamearkan addit lobi dihto ovddu ohcamii.

Kontonummára muhttima várás galgá álot bargat sierra váldegirjji.

Váldegirjjiin sáhttá maiddái váidalit mearrádusas nuppi beales. Jos váldegirjji bargá Kela skoviin, dasa galgá čállit, ahte váldegirji lea váidalanášši dikšuma várás. Sierra váldegirjji ii goittotge dárbbaš bargat, jos seammá olmmoš lea dikšon seammá ášši váldegirjjiin juo ovdal.

Váldegirjji hálddašeaddjis lea vuoigatvuohta oažžut áššiid dikšuma várás čiegusin dárkkuhuvvon vealtameahttun dieđuid, jos váldegirjjis lea addojuvvon miehtan dieđuid addimii.

Dievasahkásačča beales áššiid dikšun neahtas

Sáhtát dikšut OmaKelas muhtin áššiid nuppi olbmo beales. Nuppi olbmo beales áššiid dikšun eaktuda álot, ahte dievasahkásaš olmmoš fápmudahttá nuppi dievasahkásaš olbmo dikšut áššiidis.

Loga lasi nuppi olbmo beales áššiid dikšumis neahtas (suomagillii).

Ná barggat váldegirjji

Sáhtát bargat váldegirjji

Friijahápmásaš váldegirjjis galget leat

  • doarvái dieđut fápmudeaddji ja fápmudahtton olbmo dehe olbmuid identifiserema várás
  • dieđut das, maid áššiid fápmudus guoská
  • dieđut das, oažžugo fápmudahtton olbmui addit áššiid dikšuma várás čiegusin dárkkuhuvvon dieđuid fápmudeaddjis (lobi sáhttá addit omd. ovdodieđuid ja eará ekonomalaš sajádaga guoski dieđuid dehe dearvvasvuođadili guoski dieđuid addimii)
  • fámus orrunáigi (doaisttážii dehe mearreáigái)
  • fápmudeaddji vuolláičálus, nama čielggasmahttin ja beaivemearri.

Ná doaimmahat váldegirjji Kelai

Sáhtát doaimmahit váldegirjji neahtas, boastta bokte dehe bálvalanbáikái.

Ná doaimmahat váldegirjji OmaKelas:

Váldegirjji ii dárbbaš vuollái čállit, go sáddet dan neahtas iežat dovddaldagaiguin. Nubbi olmmoš ii goittotge sáhte sáddet váldegirjji du beales neahtas.

Loga lasi

 

Siidu beaiváduvvon 16.2.2024

Maid jurddašat siiddu birra?