Ǩieʹss pohtt muttsid Kela kääzzkõspaaiʹǩi äävaiåårramaaiʹjid da jeeʹres kääzzkõõzzid

Ǩeässa Kela-aaʹššid kaʹnnat håiddad vuõss-sââʹjest MuuKelast leʹbe Kela teʹlfonkääzzkõõzzâst. Määŋgain Kela kääzzkõspaaiʹǩin äävaiåårramääiʹj mottje ǩieʹzz ääiǥas.

Kela kääzzkõspaaiʹǩi ǩieʹssäävaiåårramääiʹj šâʹdde viõʹǩǩe juõkkumnalla vueʹssmannust leʹbe ǩieʹssmannust ääʹljeeʹl da tõk põʹtte mââimõõzzâst 30.9.2025.

Ääiʹjtässʼsaž äävaiåårramaaiʹjid kaʹnnat taʹrǩsted addrõõzzâst www.kela.fi/palvelupisteet (lääddas). Vuäitak ǩiõččâd še pååđliist Kela kääzzkõspaaiʹǩi äävaiåårramaaiʹjin ǩeässa 2025 (pdf, lääddas). Jeeʹres kääzzkõspaaiʹǩi äävaiåårramääiʹj jie muttu. Ääiʹjvaʹrrjummšin äävai åårrai kääzzkõspaaiʹǩid vuäitak vaʹrrjed ääiʹj Kela teʹlfonkääzzkõõzzâst (lääddas).

Hååid Kela-aaʹššid hieʹlǩeld neeʹttest leʹbe teʹlfoonâst

Vuäitak håiddad eža jiânnai Kela aaʹššid hieʹlǩeld neeʹttest. MuuKelast (OmaKelast) vuäitak ouddmiârkkân:

• ooccâd ouddõõzzid
• taʹrǩsted vuäǯǯmad tuʹmmstõõǥǥ
• ǩiõččâd tuärjjõõzz mäʹhssempeeiʹv
• tååimted meâlddõõzzid

Kela neʹttseeidain chatrobott vuäʹppast pirr suutk. Chatroboott veäkka vuäǯǯak vieʹǩǩ jeeʹrab mieʹldd piʹrǧǧeemtuärjjõʹsse, takai jälstemtuärjjõʹsse, mättʼtõõttituärjjõõzzid di piârouddõõzzid õhttneei aaʹššin. MuuKela chat kääzzkâstt še ǩeässa arggpeeiʹvin čiâss 12–15.30. Kaaunak ääiʹjpoddsaž teâđaid Kela kääzzkõõzzin da ouddõõzzin ǩeässa še Facebookkâst da Instagraammâst.

Jõs jiõk kaaun jiijjad äšša vasttõõzz neeʹttest, vuäitak soiʹttjed Kela teʹlfonkääzzkõʹsse. Teʹlfonkääzzkõs lij äävai ǩeässa vuõssaarǥâst piâtnâc räjja čiâss 9–16, leša evvanpeiʹvvkäänan 20.6. teʹlfoonkääzzkõs lij ǩidd. Teʹlfonkääzzkõõzzâst vuäitak håiddad seämma persoonlaž aaʹššid ǥu kääzzkõspääiʹǩest.

Kela teʹlfonkääzzkõʹsse vuäitak toobdstõõttâd ooudbeäʹlnn MuuKela pääiʹǩ. Toobdstummuš jåʹttlâtt äʹššummuž, ǥu Kela äʹšštoobdi vuäinn äʹššneǩteâđaid tâʹlles vaʹstteen teʹlfooʹne. Kelaaʹje vuäitt soiʹttjed še toobdsteǩani, da äʹššneeʹǩǩ toobdstet teʹlfoonâst jeeʹres naaʹlin.

MuuKelast vuäitak kueʹđđed såittraukkmõõžž lääʹdd-, ruõcc- leʹbe eŋgglõsǩiõllsaž teʹlfoonkääzzkõʹsse. Såittraukkmõõžž vuäitak kueʹđđed seämma leʹbe nuuʹbb arggpeivva. Kela äʹšštoobdi såitt äʹššnekka peäʹl čiâss ǩeeʹjjest vaʹlljuum ääiʹjest.

Sääʹmǩiõllsaž kääzzkõõzz ǩieʹsspââʹjest

• Nuõrttsääʹmǩiõllsaž teʹlfonkääzzkõs: Äävai neljdpeeiʹvin čiâss 9–11 nââmrest 020 634 4795. Kääzzkõs lij ǩidd 2.6.–13.6.2025 da 14.7.–1.8.2025.
• Tâʹvvsääʹmǩiõllsaž teʹlfoonkääzzkõs: Meäʹrteʹmes ääiʹj ǩidd.

Sääʹmǩiõllsaž äʹššneeʹǩǩ vueiʹtte kueʹđđed še õhttvuõttväʹlddemraukkmõõžž neʹttpååʹštaddrõʹsse saame@kela.fi.

Mäʹhtt hååidam Kela-aaʹššid, jõs ââldmõs kääzzkõspäiʹǩǩ lij ǩidd?

Jos jiõk vueiʹt håiddad äššad neeʹttest leʹbe teʹlfoonâst da ââldmõs Kela kääzzkõspäiʹǩǩ lij ǩidd, vuäitak vuäǯǯad vieʹǩǩ Kela-aaʹššid še jeeʹresåʹrnn.

• Äʹššeempääiʹǩ da jeeʹres kääzzkõspääiʹǩ: Määŋgain päiʹǩǩ-kooʹddin lie veʹrǧǧniiʹǩǩi õhttsaž äʹššeempääiʹǩ, koin uuʹdet takai vuäʹpstummuž Kela-aaʹššin. Lââʹssen Kela-aaʹššid vuäǯǯ vuäʹpstõõzz še määŋgain Ohjjeempaaiʹǩin, âʹldd åårrai ålggkaaupšempaaiʹǩin da kääzzkâʹsttemkõõskõõzzin.
• Kela ougglõskääzzkõs: Määŋgain päiʹǩǩ-kooʹddin lij vuäǯǯamnalla Kela ougglõskääzzkõs, koon veäkka vuäitak saǥstõõllâd Kela tuâjjlain video-õhttvuõđin. Ougglõskääzzkõs taʹrjjad seämmanallšem vuäʹpstummuž ǥu Kela jiijjâs kääzzkõspääiʹǩ.
• Põʹmmaipååʹšt vuõlttummuš: Vuäitak tååimted äʹššǩiiʹrjid da jeeʹres Kela-aaʹššid põʹmmaipååʹštin addrõʹsse: Kela, PL 10, 00056 KELA.

Looǥǥ lââʹzz