Ealihandoarjja

Juos vánhemat earráneaba, soai sáhttiba mearridit, ahte mánát báhcet ássat dušše nuppiin  vánhemiin. Dalle dat vánhen, gean luhtte mánná ii ása, máksá ealihanveahki dan vánhemii, gean luhtte mánná ássá. Vánhen, gean luhtte mánná ii ása, gohčoduvvo ealihangeatnegassan.

Muhtumin ealihangeatnegas ii mávsse ealihanveahki dahje ealihangeatnegas váhnen ii leat.

Dalle Kela sáhttá máksit ealihandoarjaga dan vánhemii, gean luhtte mánná ássá. Kela máksá ealihandoarjaga, juos

  • ealihangeatnegas vánhen ii leat máksán ealihanveahki
  • ealihanveahkki lea uhcit go ealihandoarjja ealihangeatnegasa ruhtadili dihte
  • máná adoptere dušše okta vánhen
  • mánás ii leat nannejuvvon áhčči
  • mánás lea nannejuvvon áhčči dahje eadni, muhto ealihanveahki ii leat sáhttán nannet.

Ealihandoarjja lea sulaid 167 e/mb juohke máná nammii. Ealihandoarjagis ii mana vearru.

Loga lasi ealihandoarjaga ohcamis (suomagillii).

Diehtun ealihangeatnegas vánhemii

Juos Kela máksá ealihandoarjaga, de dat bearrá ealihangeatnegasas mávssekeahttá báhcán ealihandoarjagiid. Dat gohčoduvvojit ealihandoarjjavealgin.

Juos it nagot iežat ruhtadili dihte máksit ealihandoarjjavealggi Kelai, sáhtát ohcat Kelas máksinfriija.