Tuärjjõs jälstemkoolaid

Vuäitak vuäǯǯad takai jälstemtuärjjõõzz, jõs tuu puåtti lie occka. Takai jälstemtuärjjõõzz mieʹrren lij vieʹǩǩted tuu jälstemkooläädvuiʹm.

Takai jälstemtuärjjõõzz vueiʹtet mäʹhssed õõut ooumže leʹbe määŋg oummu poorrâmkådda.

Mii lij poorrâmkåʹdd?

Poorrâmkooʹddin juuʹrdet oummuid, kook jälste põõššjen seämma azlmest. Takainalla poorrâmkåʹdd lij kaallâž, äävkueiʹm leʹbe piâr. Õhtt ooumaž še vuäitt leeʹd poorrâmkåʹdd.

Vuäitak vuäǯǯad takai jälstemtuärjjõõzz, jõs jälstak

  • vuåkrrazlmest
  • jiijjad vuässõsazlmest
  • jiijjad piârripõõrtâst
  • aassâmvuõiggâdvuõttazlmest
  • vueʹssvuäʹmstemazlmest.

Kelast vuäitt vuäǯǯad jälstummša še jeältõkvuäǯǯai jälstemtuärjjõõzz, mättʼtõõtti jälstemlââʹzz tai leʹbe sääldatveäʹǩǩvuõđ jälstemveäʹǩǩvuõđ. Takainalla vuäitak vuäǯǯad tåʹlǩ õõut jälstummuž tuärjjõõzz vuârstes.

Måkam jälstemkoolaid tuärjjõõzz vuäitt vuäǯǯad?

Vuäitak vuäǯǯad jälstemtuärjjõõzz ouddmiârkkân pueʹtti jälstemkoolaid:

  • vuåkrraazzâlm: vuåkrr di čääʹcc- da paakkeem-määus
  • jiijjad vuässõsaazzâlm: vaʹsttõk, aazzâlmlääin koorǥ di čääʹcc- da paakkeem-määus
  • jiijjad piârripõrtt: ǩiiddâlm håiddamkool da aazzâlmlääin koorǥ
  • aassâmvuõiggâdvuõttaazzâlm: ââʹnnemvaʹsttõk, aazzâlmlääin koorǥ di čääʹcc- da paakkeem-määus
  • vueʹssvuäʹmstemaazzâlm: vuåkrr di čääʹcc- da paakkeem-määus.

Čääʹccmääus priimât jälstemkoollan, jõs määusak tõn jeäʹrben vuåkr leʹbe vaʹsttõõǥǥ lââʹssen. Čääʹccmähssan priimât 19 euʹrred määnpââʹjest oummu õõl. Paakkeemkoolaid priimât jälstemkoollan, jõs määusak tõid jeäʹrben vuåkr leʹbe vaʹsttõõǥǥ lââʹssen.

Paakkeemkoollan priimât 41 euʹrred määnpââʹjest, jõs poorrâmkååʹddest lij õhtt ooumaž. Jõs poorrâmkådda koʹlle määŋg oummu, paakkeemkoolaid lââʹzztet 14 euʹrred juõʹǩǩ lââʹssoummu õõl.

Jõs jälstak piârripõõrtâst, jälstemkoollan priimât håiddamkoolaid leʹbe koolaid, kook šâʹdde čääʹʒʒest, paakkummšest da jeeʹres piârripõõrt koolain. Primmsallaš håiddamkoolai šorradvuõtt lij meäʹrtõllum lääʹjjest.

Jõs tuʹst lij aazzâlmläinn, jälstemkoollan priimât 73 % leʹbe âlddsin koumm neelljadvueʹzz lääinai koorǥin.

Kõõjj lââʹzz kääzzkâʹsttemnââmrest 020 692 210.

Looǥǥ lââʹzz takai jälstemtuärjjõõzz ooccmest (lääddas).

Looǥǥ lââʹzz