Jälstemtuärjjõs da jälstemlââʹss
Kela tuärjjad mättʼtõõttji jälstummuž määuʹseeʹl jälstemlââʹzz. Måtam mättʼtõõttjin vuäiʹtte vuäǯǯad takai jälstemtuärjjõõzz.
Mätt-tuärjjõõzz jälstemlââʹss
Vuäitak vuäǯǯad mätt-tuärjjõõzz jälstemlââʹzz, jõs jälstak vuåkrjum leʹbe jälstemvuõiggâdvuõttazlmest. Lââʹssen tuʹst âlgg leeʹd vuõiggâdvuõtt mätt-tuärjjõʹsse.
Jälstemlââʹzz meärra vaaikat vuåkr mieʹrr da tõt, koonn kååʹddest jälstak. Jäänmõsmeäʹr kååʹdd meâldlânji lie 216 248 da 296 euʹrred määnpââʹjest.
Jälstemlââʹss lij uuʹccab, jõs jälstak puärrsääd vuäʹmstem azlmest, ålggjânnmin leʹbe mättstroiʹttel aazztõõǥǥâst.
Vuäitak vuäǯǯad jälstemlââʹzz da jeeʹres mätt-tuärjjõõzz tåʹlǩ mättʼtõõttâm-määnpõõʹjin.
Jälstemlââʹzz vuäǯǯmest ij leäkku ââʹǩǩraajj. Puärrsi puåtti jie vaaikât jälstemlâssa.
Takai jälstemtuärjjõs
Jõs jiõk vueiʹt vuäǯǯad mätt-tuärjjõõzz jälstemlââʹzz, tuʹst kaʹnnat seeʹlvted, vuäitak-a vuäǯǯad takai jälstemtuärjjõõzz.
Vuäitak vuäǯǯad takai ääʹšš ouddmiârkkân täin paaiʹǩin:
- Jälstak õõutsââʹjest päärnainad leʹbe pieʹllkuâimmad päärnain.
- Vuäǯǯak koonn-ne tuärjjõõzz, koonn diõtt jiõk vueiʹt vuäǯǯad mätt-tuärjjõõzz.
- Leäk kõskklâttam määttääd leʹbe âânnam tuu mätt-tuärjjõsmäänpõõʹjid loopp räjja.
- Tuʹst määtt jie leäkku nokk jiânnai õuddnam, da Kela lij loopptam tuu mätt-tuärjjõõzz.
Takai jälstemtuärjjõõzzâst puåtti vaaikte jeeʹresnalla ǥu mätt-tuärjjõõzzâst.
Vuäitak ärvvtõõllâd laʹsǩǩeem-mašina veäkka, mõõn jiânnai vuäǯǯak takai jälstemtuärjjõõzz (lääddas).