Toorjâ aassâmkoloid
Tun puávtáh finniđ Kelast almos aassâmtorjuu, jis tuu puáđuh láá vyeligááh.
Tain siijđoin muštâluvvoo almos aassâmtorjust. Almos aassâmtorjuu ulme lii išediđ tuu aassâmkoloidâdguin.
Kii puáhtá finniđ almos aassâmtorjuu?
Almoos aassâmtorjuu puáhtá mäksiđ oovtâ ulmui tâi maaŋgâ ulmuu purrâmâšjuávkun.
Tun puávtáh finniđ almos aassâmtorjuu, jis tun aasah
- láiguvisteest
- aassâmvuoigâdvuotâvisteest
- uásiomâstemvisteest.
1.1.2025 rääjist aassâmtorjuu ij pyevti innig finniđ jieijâs uásusviistán tâi jieijâs peerâtáálun. Návt lii tondiet, ko laahâ lii muttum.
Kelast puáhtá finniđ asâmân meid iäláttuvfinnejeijee aassâmtorjuu, uáppee aassâmlase tâi suáldátiše aassâmtorjuu. Tain torjuin muštâluvvojeh jieijâs siijđoin.
Táválávt tun puávtáh finniđ tuše oovtâ aassâmtorjuu häävild.