Mon ennuv almos aassâmtorjuu tun puávtáh finniđ? | Anarâškielâ | KelaMoonâ siskáldâsân

Mon ennuv aassâmtorjuu tun puávtáh finniđ?

Aassâmtoorjâ puáhtá leđe enâmustáá 80 prosentid ađai nelji viđâdâs aassâmkoloin. Te tun máávsáh jieš tuu aassâmkoloin ain ucemustáá 20 prosentid ađai oovtâ viđâdâs.

1.4.2024 rääjist aassâmtoorjâ puáhtá leđe enâmustáá 70 prosentid aassâmkoloin. Tast maŋa tun te máávsáh jieš ain ucemustáá 30 prosentid jieijâd aassâmkoloin.

Aassâmtorjuu iä kuittâg määvsi puoh aassâmkoloin, peic toháliih aassâmkoloh láá miäruštâllum lavváin.

Laavâst miäruštâlloo meid aassâmkoloi enâmusmeeri ađai stuárráámus euromeeri, mon vuáđuld puáhtá finniđ aassâmtorjuu.

Jis tuu aassâmkoloh láá stuárráábeh ko enâmusaassâmkoloh, te tun puávtáh finniđ aassâmtorjuu enâmustáá enâmusaassâmkoloi mield.

Enâmusaassâmkoloid vaaigut visteest ässee rävisulmui já paarnij lohomeeri sehe kieldâ, kost viste lii.

Viste sajadâh

Kieldah láá juohhum neelji juávkun aassâm hade mield.

Vuossâmus juávkun kulá tuše Helsig.

Nube juávkun kuleh

  • Espoo
  • Kauniainen
  • Vantaa.

Kuálmád juávkun kuleh

  • Hyvinkää
  • Hämeenlinna
  • Joensuu
  • Jyväskylä
  • Järvenpää
  • Kajaani
  • Kerava
  • Kirkkonummi
  • Kouvola
  • Kuopio
  • Lahti
  • Lappeenranta
  • Lohja
  • Mikkeli
  • Nokia
  • Nurmijärvi
  • Oulu
  • Pori
  • Porvoo
  • Raisio
  • Riihimäki
  • Ruávinjargâ
  • Seinäjoki
  • Sipoo
  • Siuntio
  • Tampere
  • Turku
  • Tuusula
  • Vaasa
  • Vihti.

Niäljád juávkun kuleh puoh eres kieldah, eereb Åland.

Åland kieldah kuleh jieijâs juávkun.

Helsig kulá 1.4.2024 rääjist siämmáá juávkun ko Espoo, Kauniainen já Vantaa. Tast maŋa juávhuh láá tuš kulmâ.

Rekinist rekinistempalvâlusâst, ete mon ennuv tun suulân puávtáh uážžuđ almos aassâmtorjuu (suomâkielân).

Ovdâmeerhah

Ovdâmeerhâi euromereh láá vyeimist 1.4.2024 rääjist.

Máijá áásá ohtuu láiguvisteest Helsigist. Sun máksá lááigu 800 eurod mánuppaajeest. Máijá aassâmkolloon puáhtá tuhhiittiđ enâmustáá 563 eurod mánuppaajeest. Máijá aassâmtorjuu meeri rekinistoo te 563 euro mield. Tot ij rekinistuu Máijá lááigu ađai 800 euro vuáđuld.

Heikkâ áásá ohtuu vyeliláigulâžžân Kiemâst. Sun máksá lááigu 291 eurod mánuppaajeest. Ohtuu ässee ulmuu aassâmkolloon Kiemâst puáhtá tuhhiittiđ enâmustáá 394 eurod mánuppaajeest. Heeihâ aassâmtorjuu meeri rekinistoo Heeihâ mäksim lááigu ađai 291 euro mield, ko láigu ij lah stuárráb ko enâmusaassâmkoloh.

Sijđo lii peividum 8.2.2024

Mon mielâst tun lah sijđoost?