Varrimalmottâs já torjui uuccâm | Anarâškielâ | KelaMoonâ siskáldâsân

Varrimalmottâs já torjui uuccâm

Almoot varriimist

Almoot Kelan, jis

  • tun lah varrim Suomân ja uusah torjuid Kelast
  • tun varriih koskâpuddâsávt tâi pisovávt olgoenâmáid já finniih torjuid Kelast
  • tun maacah Suomân já tun lah ovdâlist finnim torjuid Kelast.

Mušte almottiđ varriimist meid Digi- já aalmugtiätuvirgádâhân (Digi- ja väestötietovirasto, dvv.fi, suomâkielân).

Ko tun varriih Suomân, almoot jieijâd varriimist meiddei tuu vyelgimriijkâ virgeomâháid.

Uusâ Kela torjuid

Almoot varriimist já uusâ Kela torjuid neetiist.

Täärhist ucâmušâst, ete moh lahtoseh tast kalgeh leđe. Meid lahtosijd puáhtá toimâttiđ neetist.

Tun puávtáh uuccâđ torjuid meid luámáttuvváin, mon tun finniih Kela toimâttuvâin já nettisiijđoin.

Kela postâčujottâs lii

Kela
PL 10
00056 KELA

Puávtáh tipšođ masa puoh Kela-ašijdâd meiddei puhelimist. Kela palvâl suomâkielân, ruotâkielân já eŋgâlâskielân.

Tun finniih Kelast miärádâs

Jis tun finniih tâi lah uuccâm Kelast torjuu, te tun finniih pááikán miärádâs. Miärádâsâst muštâluvvojeh torjuu meeri, vuáđustâsah já máksupeivi. Tun finniih miärádâs meid talle, jis tunjin ij lah mieđettum toorjâ.

Jis tust ij lah innig vuoigâdvuotâ Kela torjuid, te tun jieh pyevti kevttiđ eurooplii pyecceetáhádâskoortâ.

Lasetiäđuh

Kela Almugijkoskâsij aašij kuávdáš (suomâkielân) addel tiäđu Suomân tâi olgoenâmáid varriimist.

Tiäđuh tiervâsvuotâpalvâlusâi kevttimist Suomâst já olgoenâmijn finniih neetist (eu-terveydenhoito.fi, suomâkielân) já šleđgâpostáin yhteyspiste@kela.fi.

Tiäđuh Kela torjuin eres kieláid finniih InfoFinland-nettisiijđoin (infofinland.fi, suomâkielân).

Luuvâ lase

Sijđo lii peividum 9.2.2024

Mon mielâst tun lah sijđoost?