Návt tun hoittááh pargoadeleijee Kela-aašijd | Anarâškielâ | KelaMoonâ siskáldâsân

Návt tun hoittááh pargoadeleijee Kela-aašijd

Tun puávtáh hoittáđ pargoadeleijee Kela-aašijd ovdâmerkkân puhelimist já neetist.

Puhelimist

Kela palvâl pargoadeleijeid ovdâmerkkân puhelimist.

Jis tun halijdah hoittáđ peiviruuđáid lohtâseijee aašijd, te tun puávtáh suáittiđ Kela pargoadeleijeeliinján numerân 020 692 241. Pargoadeleijeelinjá lii áávus argâpeeivij tme 9–15.

Jis tuu äšši kuáská pargotiervâsvuođâhuolâttâs sajanmávssoid, te tun puávtáh suáittiđ numerân 020 634 4907. Nummeer palvâl vuossaargâi tme 12–16 já majebaargâst vástuppiäiván tme 9–12.

Pargoadeleijeid uáivildum nettipalvâlusâin

Kelast láá maŋgâ nettipalvâlus pargoadeleijeid. Tun puávtáh hoittáđ iänááš uási pargoadeleijee aašijn Pargoadeleijee ášástâllâmpalvâlusâst já Pargotiervâsvuođâhuolâttâs sajanmáávsui ášástâllâmpalvâlusâst.

Pargoadeleijee ášástâllâmpalvâlus

Pargoadeleijee ášástâllâmpalvâlusâst tun puávtáh ovdâmerkkân

  • uuccâđ peiviruuđâid já vaanhimijrijjáid lohtâseijee sajanmáávsuid pargoadeleijei
  • tärhistiđ máksutiäđuid
  • paijeentoollâđ pargoadeleijee ohtâvuotâ- já tilitiäđuid.

Luuvâ lase pargoadeleijee ášástâllâmpalvâlusâst (suomâkielân).

Pargotiervâsvuođâhuolâttâs sajanmáávsui ášástâllâmpalvâlus

Pargotiervâsvuođâhuolâttâs sajanmáávsui ášástâllâmpalvâlusâst tun puávtáh

  • uuccâđ sajanmáávsu pargoadeleijee pargotiervâsvuođâhuolâttâs koloin
  • uáiniđ ovdil vuolgâttum nettiucâmušâid já kieđâvuššâmnáál orroo ucâmuš kieđâvuššâmtile
  • uáiniđ sajanmáksumiärádâsâid.

Luuvâ lase pargotiervâsvuođâhuolâttâs sajanmáávsui ášástâllâmpalvâlusâst (suomâkielân).

Kii puáhtá hoittáđ neetist irâttâs aašijd?

Jis tun lah irâttâs toimâttâshovdâ, te tun puávtáh hoittáđ pargoadeleijee aašijd neetist jieš. Jis ovdâmerkkân tuu päälhirekinistem hoittáá tilitoimâttâh, te tun koolgah adeliđ tilitoimâttâhân suomi.fi-váldásmitmijd kevttiđ ášástâllâmpalvâlusâid tuu irâttâs peeleest.

Luuvâ lase pargoadeleijei Kela-ášástâllâm váldásmitmijn (suomâkielân).

Luuvâ lase

Sijđo lii peividum 2.1.2024

Mon mielâst tun lah sijđoost?