Beassážat rievdadit Kela bálvalusaid ja mávssuid áigetávvaliid

Beassážiid bassibeaivvit buktet nuppástusaid Kela áššehasbálvalusa rabasáiggiide ja ovdduid ohcama ja máksima áigetávvaliidda. Measta buot Kela áššiid sáhttá dikšut MuKelas.

Beassážat áradit bargguhisvuođaáigge almmuhanbeivviid ja bargguhisvuođadoarjaga máksinbeivviid. Cuoŋománu áigáiboahtindoarjja geargá kontui ovdal beassážiid, jos ohcamus ja čuvvosat leat doaimmahuvvon Kelai maŋimustá 20.3.2026. Skilleduorastaga Kela bálvala áššehasaid dmu 13 radjái, ja áigaiboahtindoarjaga gohcin lea rabas dmu 16 radjái.

Bargguhisvuođabeaivviid almmuheapmi ja máksinbeaivvit nuppástuvvet

Beassážat áradit bargguhisvuođaáigge almmuhanbeivviid ja bargguhisvuođadoarjaga máksinbeivviid. MuKelas dahje almmuhanskovis sáhttá dárkkistit beaivvi, goas sáhttá guođđit iežas almmuhusa.

Jos bargguhisvuođaáigge almmuhusa áigodat nohká 31.3.–1.4.2026

• almmuhusa sáhttá máhcahit 31.3.2026
• ruđat leat konttus áramustá 2.4.2026.

Jos bargguhisvuođaáigge almmuhusa áigodat nohká 2.4.2026

• almmuhusa sáhttá máhcahit 1.4.2026
• ruđat leat konttus áramustá 7.4.2026.

Jos bargguhisvuođaáigge almmuhusa áigodat nohká 3.–5.4.2026

• almmuhusa sáhttá máhcahit 2.4.2026
• ruđat leat konttus áramustá 8.4.2026.

Almmuhusa gánneha doaimmahit MuKelas jo máhcahanbeaivve iđida, vai dat gergo gieđahallot nu jođánit go vejolaš.

Beassážiid váikkuhus áigáiboahtodoarjaga ohcamii

Cuoŋománu áigáiboahtodoarjaga maŋimuš máksinbeaivi ovdal beassážiid lea duorastaga 2.4.2025. Doarjja geargá dalle kontui, jos ohcamuš ja buot dárbbašlaš čuvvosat leat doaimmahuvvon Kelai maŋimustá 20.3.2026.

Skilleduorastaga Kelas lea hohpolaš áigáiboahtodoarjaga dárbbašeaddjiide gohcin telefonbálvalusas ja muhtin bálvalanbáikkiin dmu 16 rádjai. Hohpolaš dilli sáhttá leat ovdamearkan dat, ahte áššehas dárbbaša johtilit máksinčatnasumi dálkasiidda dahje borramušgálvvuide.

Kela rabasáiggiid olggobealde sáhttá hohpolaš diliin leat oktavuođas buresveadjinguovllu sosiálabálvalusaide. Dat sáhttet mieđihit eastadeaddji áigáiboahtindoarjaga. Hohpolaš kriisadiliin basiid áigge sáhttá leat oktavuođas buresveadjinguovllu sosiálagohcumii. Oktavuođadieđuid sáhttá dárkkistit  Suomi.fi-bálvalusas ohcamin sosiaali- ja kriisipäivystys čujuhusas www.suomi.fi/kartta (suomagillii).

Áššehasbálvalusa rabasáiggit beassážiid

Skilleduorastaga 2.4.2026 OmaKela chat-áššehasbálvalus rávve dmu 12–13. Gáiddusbálvalus lea rabas dmu 9–13. Telefonbálvalus lea rabas dmu 9–13 muhto áigáiboahtodoarjaga bálvalannummirii 020 692 207 sáhttá hohpolaš dáhpáhusain riŋget dmu 16 rádjai. Gávnnat Kela bálvalannummiriid neahtas čujuhusas www.kela.fi/soita-kelaan (suomagillii).

Kela sámegielat bálvalus lea gitta skilleduorastaga. Jos dárbbašat bálvaleami sámegillii, sáhtát guođđit midjiide oktavuođaváldinbivdaga čujuhussii saame@kela.fi.

Skilleduorastat váikkuha maiddái rabas bálvalanbáikkiid rabasáiggiide. Rabas bálvalanbáikkit mannet gitta maŋimustá dmu 13, muhto oassi báikkiin gohcá hohpolaš áigáiboahtodoarjaga dárbbašeaddjiid dihte dmu 16 rádjai. Hohpolaš áigáiboahtodoarjaga geažil gohcet čuovvovaš bálvalanbáikkit:

• Helsset (Kamppi)
• Joensuu
• Jyväskylä
• Kuopio
• Lahti
• Lappeenranta
• Oulu
• Roavvenjárga
• Tampere
• Turku.

Buot bálvalanbáikkiid rabasáiggit ja čujuhusat sáhttá dárkkistit čujuhusas www.kela.fi/palvelupisteet (suomagillii).

Doaibmaváttot olbmuid dulkonbálvalus lea skilleduorastaga rabas dmu klo 7.30–15 ja gáiddusbálvalus dmu 9–13. Doaibmaváttot olbmuid dulkonbálvalusa oktavuođadieđut ja rabasáiggit gávdnojit čujuhusas www.kela.fi/vammaisten-tulkkauspalvelu-yhteystiedot (suomagillii). 

Kela telefonbálvalus, OmaKela chat-áššehasbálvalus, gáiddusbálvalus ja bálvalanbáikkit leat gitta

• guhkesbearjadaga 3.4.2026
• beassášlávvardaga 4.4.2026
• 1. beassášbeaivve 5.4.2026
• 2. beassášbeaivve 6.4.2026.

Kela persovdnaáššehasaide oaivvilduvvon áššiiddikšunbálvalusas elege MuKelas (OmaKelas) sáhttá ohcat ovdduid, sáddet čuvvosiid ja almmuhit nuppástusain man beare beaivve birra jándora. OmaKelas sáhttá maiddái dárkkistit iežas ohcamuša dili ja ovdduid máksinbeivviid. MuKelai čálihuvvo sisa neahttabáŋkodovddaldagaiguin dahje mobiilasihkkarastimiin.

Kela chatrobohta rávve doarjagiid ohcamis birra jándora čujuhusas www.kela.fi ja suomagielat OmaKelas.

Beassážiid spiehkastatáiggit oktasašbargoguimmiide

Skilleduorastaga 2.4.2026 Kela bálvannummirat oktasašbargoguimmiide mannet gitta maŋimustá dmu 13. Hohpolaš áigáiboahtodoarjaga áššehasoktavuođain ovttasbargoguoimmit ožžot bálvalusa gitta dmu 16 rádjai. Doaktárlinnjá lea gitta skilleduorastaga 2.4. ja maŋŋebargga 7.4. beassážiid maŋŋá.

Buot bálvalannummirat guimmiide leat gitta 3.–6.4.2026. Ovttasbargoguimmiid bálvalannummirat gávdnojit čujuhusas www.kela.fi/yhteistyokumppanit-asiakaspalvelu (suomagillii).