Fárrenalmmuhus ja doarjagiid ohcan | Davvisámegiella | KelaMana sisdollui

Fárrenalmmuhus ja doarjagiid ohcan

Almmu fárremis

Almmut Kelai, jos

  • leat fárren Supmii ja ozat Kelas doarjaga
  • fárret gaskaboddasaččat dahje bissovaččat olgoriikkaide ja oaččut Kelas doarjaga
  • máhcat Supmii olgoriikkain ássama maŋŋá ja leat ovdal ožžon Kelas doarjaga.

Muitte almmuhit fárremis maiddái Digi- ja álbmotdiehtodoaimmahahkii (dvv.fi, suomagillii).

Go fárret Supmii, almmut fárremis maiddái vuolginriikka virgeoapmahasaide.

Oza Kela doarjagiid

Almmut fárremis ja oza doarjagiid neahtas.

Dárkkis ohcamušas, mat čuvvosat das galget leat mielde. Maiddái čuvvosiid sáhttá sáddet neahtta bokte.

Sáhtát ohcat doarjagiid maiddái skoviin, man oaččut Kela doaimmahagain ja neahttasiidduin.

Kela poastačujuhus lea

Kela
PL 10
00056 KELA

Sáhtát dikšut measta buot du Kela-áššiid telefovnna bokte. Kela bálvala suomagillii, ruoŧagillii ja eaŋgalsgillii.

Oaččut Kelas mearrádusa

Jos oaččut dahje leat ohcan Kelas doarjaga, oaččut ruoktot mearrádusa. Mearrádusas muitaluvvojit doarjaga sturrodat, ákkastallamat ja máksinbeaivi. Oaččut mearrádusa maiddái dalle, jos dutnje ii leat mieđihuvvon doarjja.

Jos dus ii leat šat vuoigatvuohta Kela doarjagiidda, it sáhte geavahit eurohpalaš buohccedikšungoartta.

Lassidieđut

Kela Riikkaidgaskasaš áššiid guovddáš (suomagillii) addá dieđu Supmii dahje olgoriikii fárremis.

Diehtu dearvvasvuođabálvalusaid geavaheamis Suomas ja olgoriikkain oaččut neahtas (eu-dearvvasvuodadiksun.fi) ja rávdnjepoastta yhteyspiste@kela.fi bokte.

Diehtu Kela doarjagiin sierra gielain oaččut InfoFinland-neahttasiidduin (infofinland.fi, suomagillii).

Loga lasi

Siidu beaiváduvvon 16.2.2024

Maid jurddašat siiddu birra?