Juos fárret Supmii | Davvisámegiella | KelaMana sisdollui

Jos fárret Supmii

Doarjagiid eavttut leat earáláganat dan mielde, fárretgo Supmii

  • bargin dahje fitnodatdatdoallin
  • sáddejuvvon bargin
  • bearašlahttun
  • studeantan.

Bargin dahje fitnodatdoallin Supmii

Sáhtát oažžut Kela doarjagiid, jos barggat Suomas.

Dus lea vuoigatvuohta Kela doarjagiidda dain mánotbajiin, go du bálká lea unnimustá 800 euro mánotbajis.

Jos barggat Suomas unnimustá 6 mánotbaji, dus lea vuoigatvuohta muhtun Kela doarjagiidda vel 3 mánotbaji áigge dan maŋŋá, go leat heaitán bargamis.

Jos dus lea Suomas ruoktogielda, oaččut divššu almmolaš dearvvasvuođadivššus. Oaččut divššu dábálaččat iežat gieldda dearvvasvuođaguovddážis. Jos boađát Supmii bargui ja dus ii leat ruoktogielda, bivdde Kela čielggadit, leago dus vuoigatvuohta almmolaš dearvvasvuođafuolahussii

Jeara lasi bálvalannummiris 020 634 0200.

Sosiáladorvosoahpamušriikkain fárren bargit

Suomas leat sosiáladorvvu guoskevaš soahpamušat muhtun riikkaiguin.

Geahča, mat dát riikkat leat.

Jos boađát dáid riikkain, dárkkis Kelas, mo soahpamušat váikkuhit dasa, sáhtátgo oažžut Kela doarjagiid.

Sáddejuvvon bargit

Sáddejuvvon bargit leat olbmot, geaid olgoriikka bargoaddi lea sádden bargui Supmii.

Fárret Supmii EU-riikkas, Edg-riikkas, Sveiccas dahje Stuorra-Británnias

Jos boađát sáddejuvvon bargin dáin riikkain, gulat vuolginriikka sosiáladorvui. Oaččut Suomas buohccádettiin divššu seamma haddái go eará Suomas ássi olbmot, jos dus lea eurohpalaš buohccedikšunkoarta. Oaččut koartta du vuolginriikkas. Vuolginriikka virgeoapmahaš addá dutnje A1-duođaštusa das, ahte bargoaddi lea sádden du Supmii bargui.

Fárret Supmii riikkas, mainna Suomas lea sosiáladorvosoahpamuš

Jos boađát sáddejuvvon bargin riikkas, mainna Suomas lea sosiáladorvosoahpamuš, oaččut soahpamušas máinnašuvvon doarjagiid vuolginriikkas. Sáhtát oažžut eará go sosiáladorvosoahpamušas máinnašuvvon doarjagiid Suomas, jos leat fárren deike bissovaččat dahje jos du bálká lea unnimustá 800 euro mánotbajis.

Fárret Supmii man nu eará guovllus

Jos du bargoaddi sádde du bargui Supmii eará go EU-riikkas, Edg-riikkas, Sveiccas, Stuorra-Británnias dahje sosiáladorvosoahpamušriikkas, dutnje gusket seamma eavttut go eará Supmii fárren bargiid. Dus lea de vuoigatvuohta Kela doarjagiidda, jos fárret Supmii bissovaččat dahje jos du bálká lea unnimustá sullii 800 euro mánotbajis.

Loga lasi

Siidu beaiváduvvon 16.2.2024

Maid jurddašat siiddu birra?