Kela.fi kollimlovottuvah

Mij nuurrâp siijđoi kevttein kollimlovottuvâid. Nurrum tiäđuin ij paste tubdâđ tuu.
Kollimlovottuvah kiävttojeh palvâlus oovdedmân já raportistmân.

Tuhhiittah-uv kollimlovottuvâi nuurrâm?

Puávtáh-uv tun finniđ Kela torjuid olgoenâmáid? | Anarâškielâ | KelaMoonâ siskáldâsân

Puávtáh-uv finniđ Kela torjuid olgoenâmáid?

Taan siijđost

Čuávuvááh ääših vaigutteh toos, puávtáh-uv finniđ Kelast torjuu:

  • suijâ olgoenâmáid vyelgimân
  • eennâm, kuus tun moonah
  • äigi, mon tun lah olgoenâmijn.

Uusâ jieijâd tile já luuvâ, maid lii pyeri väldiđ vuotân, ko varriih olgoenâmáid.

Vuálgáh-uv olgoenâmáid pargen tâi pargo-occen?

Pargee uáivild ulmuu, kote vuálgá olgoenâmáid porgâđ.

Luuvâ lase

  • jis tuu syemmilâš pargoadeleijee vuolgât tuu olgoenâmáid pargokoččomân
  • jis tun vuálgáh olgoenâmáid káiduspargon
  • jis tun poorgah irâtteijen olgoenâmijn.

Maid kalga porgâđ?

Almoot mijjân tuu porgâmist nube enâmist, ko tun finniih Kela torjuid tâi tust lii eurooplâš pyecceetipšokorttâ. Tun puávtáh almottiđ porgâmist

Puávtáh-uv tun finniđ Kela torjuid?

Jis tun poorgah nube EU- tâi Eta-enâmist, Sveeicist tâi Stuorrâ-Britanniast, tust lii táválávt vuoigâdvuotâ porgâmeennâm sosiaaltoorvon tast peerusthánnáá, mon kuhháá porgâm pištá tâi mon enâmist tun aasah. Talle jieh táválávt pyevti finniđ Kela torjuid.

Tun kuulah jieijâd porgâmeennâm sosiaaltoorvon, jis tuu pargo tiävdá ovdâmerkkân pargoááigán tâi páálkán kyeskee ucemusiävtuid. Iävtuh láá eennâmkuáhtásiih. Tuu vuoigâdvuotâ porgâmeennâm sosiaaltoorvon já torjuid lii táválávt siämmáš ko tuu porgâmeennâm aalmugjesânijn. Tun finniih lasetiäđuid koččâmušâst orroo eennâm sosiaaltorvovirgeomâháin.

Puávtáh-uv tun finniđ pyecceetipšo?

Tuu porgâmeennâm västid tuu pyecceetipšo orniimist já ton koloin. Tust ij lah vuoigâdvuotâ kevttiđ Kela-koortâ tâi Suomâ mieđettem eurooplii pyecceetipšokoortâ. Tuu porgâmeennâm miäruštâl, ete maggaar sosiaaltorvo já pyecceetipšo tun finniih.

Vuálgá-uv tuu peerâ fáárun?

Jis tuu fáárust vuálgá perruujeessân, kote ij poorgâ, te suu vuoigâdvuotâ Kela torjuid miärášuvá ton vuáđuld, ete árvuštâllâp-uv mij suu varrim olgoenâmáid pisovâžžân. Jis tuu perruujeessân parga, te suu vuoigâdvuotâ Kela torjuid miärášuvá tego eres-uv EU- tâi Eta-enâmist, Sveeicist tâi Stuorrâ-Britanniast pargein.

Jis tun vuálgáh pargen tâi irâtteijen eres sajan ko EU- tâi Eta-enâmân, Sveeicin tâi Stuorrâ-Britannian, luuvâ lase tääbbin (suomâkielân).

Räjipargee lii olmooš, kote parga enâmist, kost sun ij aasâ. Räjipargee máccá merikoskâsávt jyehi peeivi tâi ucemustáá ohtii ohhoost suu fastâ aassâmenâmân.

Lah-uv pargoost EU- tâi Eta-enâmist, Sveeicist tâi Stuorrâ-Britanniast já aasah Suomâst?

Jis tun poorgah räjipargen EU- tâi Eta-enâmist, Sveeicist tâi Stuorrâ-Britanniast, mutâ aasah Suomâst, tust lii vuoigâdvuotâ tuu porgâmeennâm sosiaaltoorvon. Talle tun puávtáh siämmáá ääigi finniđ tuš motomijd Kela torjuid, tego almos aassâmtorjuu tâi enijtorjuu.

Almoot mijjân tállân, ko tun porgâškuáđáh räjipargen. Tun puávtáh almottiđ olgoenâmijn porgâmist

Tooimât meid jieijâd porgâmeennâm virgeomâháá mieđettem tipšovuoigâdvuotâtuođâštus S1, jis tun poorgah EU- tâi Eta-kuávlust tâi Sveeicist (mutâ jieh Tave-enâmijn tâi Stuorrâ-Britanniast).

Ovdâmerkkâ: Ella, kote áásá Suomâst, parga Taažâst já finnee päärni

Ella parga Taažâbeln Kárášjuuvâst, mutâ áásá Ucjuv kieldâst. Ella finnee päärni. Sust lii porgâmeennâm vuáđuld vuoigâdvuotâ vaanhimijpeiviruutân Taažâst. Tast peerusthánnáá Elast lii Suomâst aassâm vuáđuld vuoigâdvuotâ uuccâđ Suomâst enijtorjuu.

Puávtáh-uv finniđ pyecceetipšo?

Tust lii vuoigâdvuotâ puoh tuu tarbâšem pyecceetiipšon sehe porgâmenâmist já Suomâst. Tun finniih tipšo páihálii äššigâsmáávsu hoddijn. Uusâ Kelast tipšovuoigâdvuođâ. Jis tun poorgah eres saajeest ko Tave-enâmijn tâi Stuorrâ-Britanniast, tooimât Kelan tipšovuoigâdvuođâ usâdijnâd porgâmeennâm mieđettem tipšovuoigâdvuotâtuođâštus S1.

Kela mieđeet tunjin äššikirje Tuođâštus vuoigâdvuođâst tipšohiäđoid Suomâst. Tuođâštussáin tun puávtáh finniđ tipšo Suomâst almos tiervâsvuođâhuolâttâsâst äššigâsmáávsu hoddijn. Tun puávtáh finniđ meid sajanmáávsuid Suomâst šoddâm

Tust ij lah vuoigâdvuotâ Kela-koortân. Eurooplii pyecceetipšokoortâ mieđeet tuu porgâmeennâm.

Lah-uv tun pargoost EU- tâi Eta-enâmij, Sveeici tâi Stuorrâ-Britannia ulguubeln já aasah Suomâst?

Jis tun poorgah monnii eres saajeest ko EU- tâi Eta-enâmist, Sveeicist tâi Stuorrâ-Britanniast mutâ aasah Suomâst pisovávt, tust lii vuoigâdvuotâ Kela torjuid.

Almoot mijjân, jis tuu olgoenâmijn orroom pištá paijeel 3 mánuppaje. Vuálá 3 mánuppaje porgâmist tun jieh taarbâš almottiđ. Tun puávtáh almottiđ porgâmist

Puávtáh-uv tun finniđ pyecceetipšo?

Jis tust lii päikkikieldâ Suomâst, te tun finniih tipšo Suomâst almos tiervâsvuođâhuolâttâsâst äššigâsmáávsu hoddijn.

Jis tust ij lah päikkikieldâ Suomâst, tust lii vuoigâdvuotâ tuš huápulii tiipšon Suomâst. Tipšo koloin tun puávtáh finniđ reekkig maŋadist.

Jis tun poorgah EU- já Eta-enâmij, Sveeici já Stuorrâ-Britannia ulguubeln, tun jieh pyevti finniđ Kelast äššikirje Tuođâštus vuoigâdvuođâst tipšohiäđoid Suomâst (Todistus oikeudesta hoitoetuuksiin Suomessa).

Jis Iäláttâhtorvokuávdáš mieđeet tunjin A1-tuođâštus, tust siäilu vuoigâdvuotâ Kela torjuid tuu olgoenâmijn porgâm ääigi. A1-tuođâštus čáittá, mon eennâm sosiaaltorvolahâasâttem tunjin heiviittuvvoo já mon enâmân tuu sosiaaltorvomáksu máksoo.

Mij finnip tiäđu Iäláttâhtorvokuávdáá mieđettem A1-tuođâštusâst automaatlávt. Tun jieh te taarbâš väldiđ mijjân sierâ ohtâvuođâ. Čääiti A1-tuođâštus táárbu mield jieijâd porgâmenâmij virgeomâháid tâi tuu pargoadeleijeid.

Luuvâ lase porgâmist EU-enâmist já A1-tuođâštus ucâmist Iäláttâhtorvokuávdáá siijđoin (ekt.fi, suomâkielân).

Puávtáh-uv finniđ pyecceetipšo?

Jis Iäláttâhtorvokuávdáš mieđeet tunjin A1-tuođâštus, mij vuolgâttep tunjin eurooplii pyecceetipšokoortâ. Ko čááitáh tom te finniih porgâmenâmist talhâstieđâlávt velttidmettum tipšo.

Išeruuđâ uážžoo uáivild ulmuu, kote parga tutkâmpargo tâi taiđâlii pargo syemmilijn išeruuđáin já lii MYEL-tähidum. Išeruuđáin puáhtá čođâldittiđ meid jotkâuápuid.

Luuvâ MYEL-táhádâsâst (mela.fi, suomâkielân).

Puávtáh-uv tun finniđ torjuid?

EU- tâi Eta-eennâm, Sveicci, Stuorrâ-Britannia tâi sosiaaltorvosopâmušeennâm

Jis tun finniih syemmilii išeruuđâ tâi lah MYEL-tähidum já poorgah tutkâmpargo tâi taiđâlii pargo EU- tâi Eta-enâmist, Sveeicist, Stuorrâ-Britanniast tâi enâmist, moin Suomâst lii sopâmuš sosiaaltorvoost, uusâ jieijâd išeruttâporgâm ááigán Iäláttâhtorvokuávdáást A1-tuođâštus. Tuođâštus vuáđuld tun puávtáh ain finniđ Kela torjuid, jis tust lii lamaš vuoigâdvuotâ torjuid ovdil olgoenâmáid vyelgim.

Mij finnip tiäđu Iäláttâhtorvokuávdáá mieđettem tuođâštusâst automaatlávt.

Eres enâmeh

Jis tun finniih syemmilii išeruuđâ já Kela torjuid já poorgah tutkâmpargo tâi taiđâlii pargo eres saajeest ko EU- tâi Eta-enâmist, Sveeicist, Stuorrâ-Britanniast tâi enâmist, moin Suomâst lii sopâmuš sosiaaltorvoost, almoot mijjân jieijâd porgâmist

Tun puávtáh ain finniđ Kela torjuid, jis tust lii lamaš vuoigâdvuotâ Kela torjuid ovdil olgoenâmáid vyelgim.

Tun koolgah uuccâđ išeruttâporgâm ááigán MYEL-táhádâs.

Luuvâ lase:

Poorgah-uv tutkâmpargo tâi taiđâlii pargo išeruđâttáá?

Jis tun vuálgáh olgoenâmáid já ruttâdah jieijâd tutkâmpargo tâi taiđâlii pargo eres vuovvijn ko MYEL-tähidum išeruuđâ uážžon, te vääldi ohtâvuođâ mijjân puhelin peht 020 634 0200.

Jis tun poorgah ollâopâttuvâst já tuu pargoadeleijee vuolgât tuu olgoenâmáid paargon, te uáppáásm vuolgâttum pargee tilán.

Tun finniih täärhib tiäđuid Kela torjuin kela.fist tâi ko suáitáh mijjân.

Puávtáh-uv finniđ pyecceetipšo?

EU- tâi Eta-eennâm, Sveicci tâi Stuorrâ-Britannia

Jis Iäláttâhtorvokuávdáš mieđeet tunjin A1-tuođâštus, tun finniih Kelast eurooplii pyecceetipšokoortâ. Ko čááitáh tom te finniih porgâmenâmist talhâstieđâlávt velttidmettum tipšo.

Jis tun poorgah paijeel ive nube EU- tâi Eta-enâmist, Sveeicist tâi Stuorrâ-Britanniast, uusâ Kelast tipšovuoigâdvuođâ. Jis mij mieđettep tunjin tipšovuoigâdvuotâtuođâštus S1, tun puávtáh registeristiđ tom tuu porgâmeennâm puácuvuotâtáhádâslájádâsâst. Jis tun poorgah Tave-enâmijn tâi Stuorrâ-Britanniast, tun jieh táválávt taarbâš S1-tuođâštus, ko tot ij kevttuu Suomâ já Tave-enâmij já Suomâ já Stuorrâ-Britannia kooskâ.

Tun finniih porgâmenâmistâd puoh tuu tarbâšem tipšo páihálii äššigâsmáávsu hoddijn ton eennâm lahâasâttem mield.

Ko tun uusah tipšovuoigâdvuođâ, tun puávtáh finniđ meid äššikirje Tuođâštus vuoigâdvuođâst tipšohiäđoid Suomâst, jis tust ij lah päikkikieldâ Suomâst. Tuođâštussáin tun puávtáh finniđ tipšo Suomâst almos tiervâsvuođâhuolâttâsâst äššigâsmáávsu hoddijn. Tun puávtáh finniđ meid sajanmáávsuid Suomâst šoddâm

Jis tun jieh lah MYEL-tähidum

Jis tust ij lah MYEL-táhádâs jiehke finnii Iäláttâhtorvokuávdáást A1-tuođâštus, tun finniih talhâstieđâlávt velttidmettum pyecceetipšo eurooplijn pyecceetipšokorttáin.

Eres enâmeh

Tun finniih pyecceetipšo jieijâd porgâmeennâm páihálij laavâi já njuolgâdusâi mield. Lasetiäđuid tun finniih ton eennâm sosiaaltorvo- já tiervâsvuotâvirgeomâháin.

Ko tun iäláh Suomâst, tun puávtáh kevttiđ Kela-koortâ. Tun finniih tipšo Suomâst almos tiervâsvuođâhuolâttâsâst äššigâsmáávsu hoddijn, jis tust lii ain päikkikieldâ.

Jis tust ij lah päikkikieldâ Suomâst, tust lii vuoigâdvuotâ tuš huápulii tiipšon Suomâst. Tipšo koloin tun puávtáh finniđ reekkig maŋadist.

Jis tun vuálgáh Quebecân, tuu pyecceetipšoost sättih leđe spiekâstâsah. Vääldi talle mijjân ohtâvuođâ puhelin peht 020 634 0200.

Poorgah-uv tun jieijâd tutkâmpargo tâi taiđâlii pargo lasseen?

Jis tun poorgah tutkâmpargo tâi taiđâlii pargo lasseen monnii eres pargo EU- tâi Eta-enâmist, Sveeicist tâi Stuorrâ-Britanniast, tust lii táválávt vuoigâdvuotâ porgâmeennâm sosiaaltoorvon. Tun jieh táválávt pyevti siämmáá ääigi finniđ Kela torjuid.

Almoot Iäláttâhtorvokuávdážân porgâm aalgâtmist (etk.fi, suomâkielân). Almoot tuu EU- tâi Eta-enâmist tâi Sveeicist porgâm pargoost meid Kelan

Jis tun poorgah tutkâmpargo tâi taiđâlii pargo lasseen monnii eres pargo eres saajeest ko EU- tâi Eta-enâmist, Sveeicist tâi Stuorrâ-Britanniast, tust lii táválávt vuoigâdvuotâ Kela torjuid. Torjui finnim iähtun lii, ete tuu tutkâmpargo já taiđâlâš pargo lii váldutoimâlâš.

​​​​​Vuálgáh-uv olgoenâmáid uáppen?

Uáppee uáivild ulmuu, kote vuálgá olgoenâmáid muulsâuáppen tâi tođhosuáppen.

Maid kalga porgâđ?

Jis tun finniih uápputorjuu já vuálgáh olgoenâmáid muulsâuáppen, te almoot mijjân vyelgimist uápputorjuu nubástusalmottâssáin

Jis tun vuálgáh tođhosuáppen olgoenâmáid, mij finnip tiäđu tuu vyelgimist, ko tun uusah uápputorjuu olgoenâmijn čođâldittemnáál uápui várás

Jis tun jieh finnii uápputorjuu, luuvâ, maht tun koolgah toimâđ, ko tun vuálgáh olgoenâmáid.

Puávtáh-uv finniđ Kela torjuid?

Ko tun luuvah uápuid olgoenâmijn, tun puávtáh táválávt finniđ Kela torjuid, veikâ tuu uápuh pištáččii paijeel 6 mánuppaje. Iähtun lii, ete tust lii lamaš vuoigâdvuotâ Kela torjuid jo ovdil olgoeennâm uápuid.

Lasseen uápui luuhâm kalga

  • leđe váldutoimâlâš
  • jođettiđ ámáttân tâi totkosân
  • tábáhtuđ almos haldâttuv vuálásii oppâlájádâsâst.

Tun puávtáh finniđ Kela torjuid nuuvt kuhháá ko tuu uápuh, tutkâmpargo tâi taiđâlâš pargo olgoenâmijn lii váldutoimâlâš. Luuvâ lase uápputorjust olgoenâmáid (suomâkielân).

Tun finniih täärhib tiäđuid Kela torjuin kela.fist tâi ko suáitáh mijjân.

Puávtáh-uv finniđ pyecceetipšo?

Jis tun luuvah uápuid EU- tâi Eta-enâmist, Sveeicist tâi Stuorrâ-Britanniast, tun finniih talhâstieđâlávt velttidmettum pyecceetipšo eurooplijn pyecceetipšokorttáin.

Jis tun luuvah uápuid eres saajeest ko EU- tâi Eta-enâmist, Sveeicist tâi Stuorrâ-Britanniast, tun máávsáh jieš jieijâd pyecceetipšo koloid. Tun jieh pyevti finniđ koloin sajanmáávsu Kelast.

Jis tun vuálgáh Quebecân, tuu pyecceetipšoost sättih leđe spiekâstâsah. Vääldi talle mijjân ohtâvuođâ puhelin peht 020 634 0200.

Poorgah-uv uápui ääigi?

Jis tun poorgah uápui paaldâst EU- tâi Eta-enâmist, Sveeicist tâi Stuorrâ-Britanniast, tust lii táválávt vuoigâdvuotâ tuu porgâmeennâm sosiaaltoorvon. Talle jieh táválávt pyevti finniđ Kela torjuid. Uápputoorjâ puáhtá liijká jotkuđ, veikâ algâttiččih porgâm, jis puáđuh iä moonâ ihepuáturääji paijeel.

Almoot mijjân ain tuu EU- tâi Eta-enâmist, Sveeicist tâi Stuorrâ-Britanniast porgâm pargoost

Jis tun poorgah uápui tâi tutkâmpargo paaldâst EU- já Eta-enâmij Sveeici já Stuorrâ-Britannia ulguubeln, tust lii táválávt vuoigâdvuotâ Kela torjuid, jis tuu porgâm lii uásiáigásâš.

Finniih-uv iäláttuv já vuálgáh-uv olgoenâmáid?

Iäláttuvfinnejeijee uáivild ulmuu, kote finnee pargoiäláttuv tâi aalmugiäláttuv Suomâst.

Maid kalga porgâđ?

Jis tun finniih Kelast torjuid tâi tust lii eurooplâš pyecceetipšokorttâ, toovâ almottâs olgoenâmáid vyelgimist

Vuálgáh-uv tun koskâpuddâsávt nube EU- tâi Eta-enâmân, Sveeicin tâi Stuorrâ-Britannian?

Jis tun oroh koskâpuddâsávt EU- tâi Eta-enâmist, Sveeicist tâi Stuorrâ-Britanniast, tun puávtáh táválávt finniđ Kela hiäđuid, tego Kela mieđettem aalmugiäláttuv. Tun finniih täärhib tiäđuid Kela torjuin kela.fist tâi ko suáitáh mijjân.

Luuvâ lase

  • koskâpuddâsii oromist EU- tâi Eta-enâmist, Sveeicist tâi Stuorrâ-Britanniast
  • Kela mieđettem aalmugiäláttuvâst.

Puávtáh-uv tun finniđ pyecceetipšo?

Tun finniih talhâstieđâlávt velttidmettum pyecceetipšo nube EU- tâi Eta-enâmist, Sveeicist tâi Stuorrâ-Britanniast, jis tust lii eurooplâš pyecceetipšokorttâ. Tun máávsáh tipšoost tuš páihálii äššigâsmáávsu hade.

Luuvâ lase eurooplii pyecceetipšokoortâst.

Varriih-uv tun pisovávt nube EU- tâi Eta-enâmân, Sveeicin tâi Stuorrâ-Britannian?

Jis tun varriih pisovávt nube EU- tâi Eta-enâmân, Sveeicin tâi Stuorrâ-Britannian, tuu vuoigâdvuotâ maŋgáid Kela mieđettem torjuid nohá varrimpiäiván.

Puávtáh-uv finniđ pyecceetipšo?

Ko tun toovah almottâs olgoenâmáid varriimist, mij selvâttep, ete lii-uv tust vuoigâdvuotâ finniđ tuu aassâmenâmist pyecceetipšo, mon Suomâ máksá. Jis mij mieđettep tunjin tipšovuoigâdvuotâtuođâštus S1, tooimât tom registeristem várás tuu uđđâ aassâmeennâm puácuvuotâtáhádâslájádâsân. Mij vuolgâttep tunjin meid eurooplii pyecceetipšokoortâ.

Luuvâ lase eurooplii pyecceetipšokoortâst.

Jis tun aasah Tave-enâmijn tâi Stuorrâ-Britanniast, tun jieh táválávt taarbâš S1-tuođâštus, ko tot ij kevttuu Suomâ já Tave-enâmij já Suomâ já Stuorrâ-Britannia kooskâ.

Tun finniih iäláttuvfinnejeijee eurooplijn pyecceetipšokorttáin Suomâ almos tiervâsvuođâhuolâttâsâst puoh tuu tarbâšem pyecceetipšo äššigâsmáávsu hoddijn. Tun finniih sajanmáávsu meid

Vuálgáh eres sajan ko EU- tâi Eta-enâmân, Sveeicin tâi Stuorrâ-Britannian?

Jis tun vuálgáh eres sajan ko nube EU- tâi Eta-enâmân, Sveeicin tâi Stuorrâ-Britannian, luuvâ lase vuoigâdvuođâst Kela torjuid já pyecceetiipšon tääbbin (suomâkielân).

Vuálgáh-uv olgoenâmáid perruujesânin?

Pelikyeimi uáivild näimi- tâi ávuspelikyeimi sehe registeristum parâkoskâvuođâ uásipele. Meid siämmáá tálutuálust ässee vyeliahasiih päärnih láá perruujesâneh.

Jis tun lah vuolgâttum pargee, diplomaat, ovdâstus pargee tâi virgeulmuu perruujeessân, uáppáásm vuolgâttum pargee perruujeessân ravvuid (suomâkielân).

Puávtáh-uv finniđ Kela torjuid?

Torjui finniimân vaaigut eromâšávt tot, aasah-uv olgoenâmijn pisovávt. Jis mij árvuštâllâp, ete tun aasah olgoenâmijn pisovávt, tun jieh innig paste finniđ Kela torjuid. Ko mij árvuštâllâp tuu aassâm pisovâšvuođâ, toos vaaigut meid tot, maht mij árvuštâllâp ton ulmuu olgoenâmáid varrim pisovâšvuođâ, kiän luus tâi fáárust tun värrejih.

Tiätu persovnjuávhuh, tego uáppeeh já vuolgâttum pargeeh, pyehtih liijká finniđ Kela torjuid olgoenâmijn, veikâ sii olgoenâmijn orroom pištáččij kuhháá. Jis tun varriih tággáár ulmuu fáárust, meid tust lii perruujesânin vuoigâdvuotâ Kela torjuid olgoenâmijn.

Huámmáš, ete tuš tagareh perruujesâneh pyehtih finniđ Kela torjuid olgoenâmijn, kiäin lii lamaš vuoigâdvuotâ Kela torjuid jo ovdil varrim. Taat njuolgâdus ij kuittâg kuoskâ olgoenâmijn šaddee parnijd.

Jis tun varriih perruujesânin EU- tâi Eta-enâmân, Sveeicin tâi Stuorrâ-Britannian, tun puávtáh táválávt finniđ Kela torjuid, jis tot olmooš, kiän tiet tij varrijd olgoenâmáid, puáhtá finniđ Kela torjuid. Jis tun porgâškuáđáh monnii tain enâmijn, te tuu tile muttoo já tun kuulah tuu porgâmeennâm sosiaaltorvo olán. Talle jieh pyevti innig finniđ Kela torjuid.

Almoot mijjân tuu olgoenâmáid varriimist

Almoot meid, jis tun porgâškuáđáh olgoenâmijn.

Jis tust láá vyeliahasiih päärnih, kiäh värrejeh tuu fáárust já kiäi huolâtteijee tun lah, te almoot meid sii varriimist jieijâd almottâsâst.

Puávtáh-uv finniđ pyecceetipšo?

Jis tun varriih olgoenâmáid, tuu uđđâ aassâmeennâm miäruštâl, maggaar pyecceetipšo tun finniih. Tuu vuoigâdvuotân finniđ pyecceetipšo puáhtá vaiguttiđ meid ton ulmuu eellimtile, kiän fáárust tâi luus tun varriih olgoenâmáid. Seelvât puorijn aaigijn ovdil varrim, maht tun puávtáh finniđ pyecceetipšo tuu uđđâ aassâmenâmist. 

Jis tust lii päikkikieldâ Suomâst, te tun finniih tipšo Suomâst almos tiervâsvuođâhuolâttâsâst äššigâsmáávsu hoddijn.

Jis tust ij lah innig päikkikieldâ Suomâst, mutâ tust lii vuoigâdvuotâ Kela torjuid já aasah EU- tâi Eta-enâmist, Sveeicist tâi Stuorrâ-Britanniast, tun puávtáh pivdeđ Kela selvâttiđ, ete lii-uv tust vuoigâdvuotâ tiipšon Suomâst.

Jis tust ij lah päikkikieldâ já tun aasah eres saajeest ko EU- tâi Eta-enâmist, Sveeicist tâi Stuorrâ-Britanniast, tust lii vuoigâdvuotâ tuš huápulii tiipšon Suomâst. Tipšo koloin tun puávtáh finniđ reekkig maŋadist.

Jis tun varriih olgoenâmáid vuolgâttum pargee perruujesânin, luuvâ lase jieijâd vuoigâdvuođâst Kela torjuid (suomâkielân).

​​​​

Jieh-uv tun kavnâm jieččâd tain?

Tun puávtáh varriđ tâi vyelgiđ olgoenâmáid meid eres suujâi tiet. Almoot talle jieijâd vyelgimist já vääldi táárbu mield ohtâvuođâ mijjân.

 

Suomâst olgoenâmáid -siijđoin

Sijđo lii peividum 7.9.2026
Moonâ Suomâst olgoenâmáid-siijđon